«Աստծո զորության մեծ փառքով», Երիտասարդներին զորացնելու համար, նոյեմբեր 2022 թ.։
Շաբաթօրյա ցերեկային նիստ
Աստծո զորության մեծ փառքով (1 Նեփի 14․14)
Հատվածներ
Ուխտերը, որոնք կնքվել են քահանայության հեղինակավոր արարողությունների միջոցով, կարող են կապել մեզ Տեր Հիսուս Քրիստոսի հետ: Դրանք նաև հանդիսանում են փրկության և վեհացման աշխատանքի էական առանցքը վարագույրի երկու կողմերում:
Միսիոներական, տաճարային և ընտանեկան պատմության աշխատանքը մի մեծ աշխատանքի լրացուցիչ և փոխկապակցված մասերն են, որոնք կենտրոնանում են սուրբ ուխտերի և արարողությունների վրա, և արտոնում են մեզ ստանալ աստվածության զորությունը մեր կյանքում և, ի վերջո, վերադառնալ Երկնային Հոր ներկայություն: …
Մենք մեզ վրա ենք վերցնում Փրկիչի լուծը, երբ սովորում ենք, արժանիորեն ընդունում և հարգում ենք սուրբ ուխտերն ու արարողությունները: Մենք ապահով կերպով կապվում ենք Փրկիչի հետ, երբ հավատարմորեն հիշում ենք և լավագույնս ջանում ենք ապրել մեր ընդունած պարտավորությունների համաձայն: Եվ այդ կապը Նրա հետ հոգևոր ուժի աղբյուրն է մեր կյանքի բոլոր ժամանակներում: …
Ուխտի խոստումներն ու օրհնությունները հնարավոր են միայն մեր Փրկիչ Հիսուս Քրիստոսի շնորհիվ: Նա մեզ հրավիրում է նայել Իրեն, գալ Իր մոտ, սովորել Իրենից և կապվել Իր հետ՝ Իր վերականգնված ավետարանի ուխտերի և արարողությունների միջոցով: Ես վկայում և խոստանում եմ, որ պատվելով ուխտերը, մենք կզինվենք արդարությամբ և Աստծո զորության մեծ փառքով։ Եվ ես վկայում եմ, որ ապրող Տեր Հիսուս Քրիստոսը մեր Փրկիչն է: