Rongorong, Ausening, me Afanni

Sasing seni Guev Design

Ewe aewin kapas non ewe Doctrine and Covenants na ausening (nengeni Doctrine and Covenants 1:1). Wewen “sipwe ausening ren ewe popun ach sipwe anneasochisi.” Wewen ausening pwe sipwe “rongorong ngeni I”—ach sipwe rongorong met ewe Chon Amanau a apasa iwe sipwe aponuweta An kapas. Non ekkei unungat kapas— “Rongorong ngeni I”—Kot a ngeni kich ewe kokkot ach sipwe manauoch me sipwe pwapwa non ei manau. Sipwe rongorong ekkewe kapasan ewe Samon, ausening ngeniir, me aponuweta met A erenikich ach sipwe fori!

Ian sia tongeni feino ia ach sipwe rongorong I?

Sia tongeni rongorong ngeni I non ekkewe pukfel. Sia pwan tongeni rongorong ngeni I non ewe tempel. Sia pwan awatteno ach tufichin rongorong ngeni I nupwen sia awatteno ach tufichin esina memefin ewe Ngun mi Fel. Me, nesoponon, sipwe rongorong ngeni I nupwen sia aponuweta kapasen ekkewe soufos, chon oseni, me chon pwarata.

Met epwe fis nupwen oua achocho oupwe rongorong, ausening, me aponuweta met ewe Chon Amanau a apasa me met A apasa iei ren Noun kewe soufos? Ua pwon ngenikemi oupwe feioch ren pwan och manaman ren ami riaffou ren sossot, osukosuk, me apwangapwang. Ua pwon ngenikemi epwe wor manaman non nefinen ami famini me angang iteiten ran. Me ua pwon ngenikemi pwe epwe awatteno ami tufichin mefi pwapwa pwan mo non fansoun osukosuken manauemi.