E haere ra te feiā mo’a i te pae tō’o’a o te rā

I muri mai i te pohera’a Iosepha Semita, nā Brigham Young ’e te tahi atu mau ’āpōsetolo i arata’i i te ’Ēkālesia. ’Ua ’ite Brigham ’ia fa’aru’e te feiā mo’a i Nauvoo e ti’a ai ra nō te mea tei roto rātou i te ’ati. Nā mua rā, ’ua hina’aro te Fatu ’ia fa’aoti rātou i te patura’a o te hiero.

’Ia ineine a’era te hiero, e rave rahi tauatini feiā mo’a tei rave i te mau fafaura’a ’e te Fatu ’e ’ua tā’atihia ’ei mau ’utuāfare.

’Ua tae te taime ’ia ha’amata rātou i te tere i te pae tō’o’a o te rā. ’Ua to’eto’e te reva, ’e ’ua ma’ihia ’e ’ua po’ia te mau ta’ata.

’Ua pure atu ra Brigham nō te tauturu. ’Ua nā ’ō mai ra te Fatu ē e tītauhia ’ia tauturu rātou te tahi i te tahi, ’e e ha’amaita’i ’e e tauturu ’oia ia rātou.

E mea fifi noa te tere. ’Ua pohe vetahi mau ta’ata. Maoti rā tā rātou mau fafaura’a o te hiero, ’ua ’ite te feiā mo’a e ’ite fa’ahou rātou i te mau melo o tō rātou ’utuāfare.

’Ua tāpae mai te feiā mo’a mātāmua i roto i te Peho nō Roto Miti i te matahiti 1847. I ’ō nei rātou e nehenehe ai e ha’amori i te Fatu ’e e rave ai i tāna ’ohipa ma te hau.

I te roara’a o te mau matahiti, ’ua tāpae mai vetahi fa’ahou o te feiā mo’a ’e ’ua hāmani a’era i te tahi fa’ahou mau hiero. ’Ua tere te mau misiōnare nā te ao ato’a nei nō te ha’api’i i te ’evanelia ’a Iesu Mesia. ’Ua tāmau noa te ’Ēkālesia a te Fa’aora i te tupu i te rahi, ma te ha’amaita’i i te mau tamari’i a te Metua i te ao ra i te mau vāhi ato’a.

ʼApi fa’a’ūraʼa

’O ’oia te māramarama, te ora, ’e te ti’aturira’a o tō te ao nei.

Fa’ahōho’ara’a nā Corey Egbert

E aha tā ’oe e rave i te Noela nō te ha’amana’o ia Iesu Mesia ?