Watakatifu Wanaenda Magharibi

Baada ya kifo cha Joseph Smith, Brigham Young na Mitume wengine waliliongoza Kanisa. Brigham alijua Watakatifu walipaswa kuondoka Nauvoo kwa sababu hapakuwa salama. Lakini Bwana aliwataka wamalizie kujenga hekalu kwanza.

Wakati hekalu lilipokuwa tayari, maelfu ya Watakatifu walifanya maagano na Bwana na waliunganishwa kama familia.

Sasa ilikuwa ni wakati wa kuanza safari yao kuelekea magharibi. Hali ya hewa ilikuwa baridi, na watu walikuwa wagonjwa na wenye njaa.

Brigham alisali kwa ajili ya msaada. Bwana alisema wanapaswa kusaidiana, na Yeye angewabariki na kuwasaidia.

Safari bado ilikuwa ngumu sana. Baadhi ya watu walifariki. Lakini kwa sababu ya maagano yao ya hekaluni, Watakatifu walijua wangewaona wanafamilia wao tena.

Watakatifu wa kwanza waliwasili katika Bonde la Salt Lake mwaka 1847. Hapa wangeweza kumwabudu Bwana na kuifanya kazi Yake kwa amani.

Kwa miaka mingi, Watakatifu zaidi walifika na kujenga mahekalu zaidi. Wamisionari walisafiri ulimwenguni kote kuifundisha injili ya Yesu Kristo. Kanisa la Mwokozi liliendelea kukua, likiwabariki watoto wa Baba wa Mbinguni kila mahali.

Ukurasa wa Kupaka Rangi

Yeye Ni Nuru, Uzima, na Tumaini la Ulimwengu

Kielelezo na Corey Egbert

Je, wewe unafanya nini wakati wa Krismasi ili kumkumbuka Yesu Kristo?