A re Santo a Merael mo bedul Ngebard

Brigham Young lomes er a rechad el loureor er tial dirrekak el bo el merek a teketekel el Nauvoo Templo

Uriul a le mad a Joseph Smith, ea Brigham Young me a re bebil ra re Apostol a milngetikaik er a Ikelesia. Brigham a mle medengei el kmo a re Santo a kirir el tuobed er a Nauvoo e leng dimlak el selbechakl el basio. Eng di a kot a Rubak a mle soal tir a bol merek lomekedechor er a templo.

Brigham Young el outkeu er a rechad el mera templo.

Sera templo bol merek a kedmeklel, ea re telael el re Santo a mlo meruul a telbill lobengkel a Rubak e mlo merenged el telungalek.

Re Santo el merael sel ngarngii a snowstorm

Me chelechang eng mla mo taem lomuchel er a omerollir el mo bedul a ngebard. Ng mle mekelkolt, me a rechad a mle smecher e songerenger.

Re telungalek lolgneseu er a rebebil melai a kall me a bar el ngara kelekolt.

Brigham a miluluuch lolengit a ngeseu. A Rubak a dilu el kmo ng kirir el kaingeseu, e Ngii a mo omekngeltengat er tir e olngeseu er tir.

Telungalek el outubaruach e ra bita ra debuul.

Sel lomerael a kmal meringel. A bebil ra rechad a mlad. Ngdi ngikel telbilir ra templo a uchul, a re Santo a mle medengei el tir a lmuut elmo mesterir a telungalek er tir.

Brigham Youngel ngara chelsel a kareta lomes el bedul a Salt Lake Valley

Tirkel kot el re Santo a mlora Salt Lake Valley sera 1847. Tiakid e temo mesiou e ra Rubak e meruul a ikel lurerel el ngara budech.

Llecheklel a templo me a remisionari el globe a ngarullir

Mlo melai a rak, e te betok el re Santo a mlei e ulmekedechor a lmuut el bebil er a templo. Re misionari a loldurokl er tir el meliuekl er a beluulechad rokir el mo olisechakl er a ebangkelio er a Jesus Kristo. A Ikelesia ra Osobel a melemolem el merael elmo klou el lomekngeltengat ra re ngelekel a Demad ra Babeluades el meliuekl.

Babier lousbech a kurreong PDF er a tolechoi el Jesus el ngara ongolel a charm me a ngelekel a sib