Armej ro Rekwojarjar Rej Ilo̧k Irilikļo̧k

Ālkin an Josep kar mej, Brigham Young im Rijilōk ro jet raar tōl Kabun̄ in. Brigham ekar jeļā bwe Armej ro Rekwojarjar raar aikuj em̧m̧akut jān Nauvoo kōnke ekar jab jokne. Bōtaab Irooj ekar kōņaan bwe ren kadedeļo̧k aer kalōk tampeļ eo m̧okta.

Ke tampeļ eo ekar pojak, taujin Armej ro Rekwojarjar raar kōm̧m̧ani bujen ko ippān Irooj im raar liāp āinwōt baam̧le ko.

Kiiō ekar iien eo n̄an jino iaļ eo aer iturilikļo̧k. Mejatoto eo ekar m̧ōļo, im armej ro raar nan̄inmej im kwōle.

Brigham ekar jar n̄an jipan̄. Irooj ekar ba rej aikuj jipan̄ doon, im E enaaj kar kōjeraam̧m̧an er im jipan̄ er.

Ito itak eo ekar lukkuun in pen wōt. Jet armej rekar mej. Ak kōnke bujen in tampeļ ko aer, Armej ro Rekwojarjar rekar jeļā bwe renaaj loe ro uwaan baam̧le ko aer.

Armej ro Rekwojarjar im̧aan tata kar jikrōkļo̧k ilo Salt Lake Valley eo ilo 1847 eo. Ijin rekar maron̄ kabun̄jar n̄an Irooj im kōm̧m̧ane jerbal eo An ilo aenōm̧m̧an.

Ium̧win iiō ko, elōn̄ļo̧k Armej ro Rekwojarjar raar itakļo̧k im kalōk elōn̄ļo̧k tampeļ ko. Mijenede ro raar itok itak aolepān laļ in n̄an katakin gospel eo an Jisōs Kraist. Kabun̄ eo an Rilo̧mo̧o̧r ekar wōnm̧aanļo̧k wōt im eddōk, kōjeraam̧m̧an ajri ro nejin Jemedwōj Ilan̄ ijoko otemjej.

Peij in Kōļar

E Ej Meram eo, Mour eo, im Kōjatdikdik eo an Laļ

Kōmeļeļe jān Corey Egbert

Ta eo kwoj kōm̧m̧ane ilo Kūrijm̧ōj n̄an keememej Jisōs Kraist?