“The Saints Go West,” Friend, December 2025, 26–28.
ຂ່າວສານປະຈຳເດືອນ Friend, ເດືອນທັນວາ 2025
ໄພ່ພົນໄປຍັງພາກຕາເວັນຕົກ
ຫລັງຈາກໂຈເຊັບ ສະມິດ ໄດ້ເສຍຊີວິດ, ບຣິກຳ ຢັງ ແລະ ອັກຄະສາວົກຄົນອື່ນໆໄດ້ນຳພາສາດສະໜາຈັກ. ບຣິກຳຮູ້ວ່າໄພ່ພົນຕ້ອງໜີຈາກເມືອງນາວູ ເພາະມັນບໍ່ປອດໄພ. ແຕ່ພຣະຜູ້ເປັນເຈົ້າຢາກໃຫ້ເຂົາເຈົ້າສ້າງພຣະວິຫານໃຫ້ສຳເລັດກ່ອນ.
ເມື່ອພຣະວິຫານສຳເລັດແລ້ວ, ໄພ່ພົນຫລາຍພັນຄົນໄດ້ເຮັດພັນທະສັນຍາກັບພຣະຜູ້ເປັນເຈົ້າ ແລະ ໄດ້ຮັບການຜະນຶກເປັນຄອບຄົວ.
ບັດນີ້ເຖິງເວລາແລ້ວທີ່ຈະເລີ່ມຕົ້ນການເດີນທາງຂອງເຂົາເຈົ້າໄປຍັງພາກຕາເວັນຕົກ. ອາກາດໜາວເຢັນ, ແລະ ຜູ້ຄົນກໍເຈັບປ່ວຍ ແລະ ຫິວໂຫຍ.
ບຣິກຳໄດ້ອະທິຖານຂໍຄວາມຊ່ວຍເຫລືອ. ພຣະຜູ້ເປັນເຈົ້າໄດ້ກ່າວວ່າເຂົາເຈົ້າຄວນຊ່ວຍເຫລືອຄົນອື່ນ, ແລະ ພຣະອົງຈະອວຍພອນເຂົາເຈົ້າ ແລະ ຊ່ວຍເຫລືອເຂົາເຈົ້າ.
ການເດີນທາງຍັງຍາກລຳບາກຫລາຍ. ບາງຄົນໄດ້ເສຍຊີວິດໄປ. ແຕ່ເນື່ອງຈາກພັນທະສັນຍາພຣະວິຫານຂອງເຂົາເຈົ້າ, ໄພ່ພົນຈຶ່ງຮູ້ວ່າ ເຂົາເຈົ້າຈະເຫັນຄອບຄົວຂອງເຂົາເຈົ້າອີກ.
ໄພ່ພົນກຸ່ມທຳອິດໄດ້ມາເຖິງຮ່ອມພູເຊົາເລັກໃນປີ 1847. ຢູ່ທີ່ນີ້ເຂົາເຈົ້າສາມາດນະມັດສະການພຣະຜູ້ເປັນເຈົ້າ ແລະ ເຮັດວຽກງານຂອງພຣະອົງຢ່າງສະຫງົບສຸກ.
ໃນໄລຍະຫລາຍປີທີ່ຜ່ານມາ, ໄພ່ພົນຢ່າງຫລວງຫລາຍໄດ້ມາຮອດ ແລະ ສ້າງພຣະວິຫານຫລາຍແຫ່ງຂຶ້ນ. ຜູ້ສອນສາດສະໜາໄດ້ເດີນທາງໄປທົ່ວໂລກ ເພື່ອສິດສອນພຣະກິດຕິຄຸນຂອງພຣະເຢຊູຄຣິດ. ສາດສະໜາຈັກຂອງພຣະຜູ້ຊ່ວຍໃຫ້ລອດສືບຕໍ່ເຕີບໂຕ, ເປັນພອນໃຫ້ແກ່ລູກໆຂອງພຣະບິດາເທິງສະຫວັນຢູ່ທົ່ວທຸກແຫ່ງ.
ໜ້າລະບາຍສີ
ພຣະອົງເປັນຄວາມສະຫວ່າງ, ເປັນຊີວິດ, ແລະ ເປັນຄວາມຫວັງຂອງໂລກ
ພາບປະກອບ ໂດຍ ໂຄຣີ ເອັກເບີດ
ເຈົ້າເຮັດຫຍັງໃນວັນຄຣິດສະມາດເພື່ອລະນຶກເຖິງພຣະເຢຊູຄຣິດ?
© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, December 2025. Laotian. 19637 331