Mwet Luhlahlfongi Elos Fuhfahsryucsr Nuh Rohtoh

Tukun Joseph Smith el misac, Brigham Young ac Mwet Sap sahyac kol Alu ac. Brigham el etuh lah Mwet luhlahlfongi ah elos enenuh in som liki acn Nauvoo ke srihpen sensen acn we. Tuhsruhk Leum el kena eltahl in ahksahfyelah muhsah ke tempuhl ah sac met.

Ke tempuhl sac sahflah ah, Mwet luhlahlfongi tausin oraclah olwelah muhtahl lalos nuh sin Leum ac elos sil ekihn sucu ne tok.

Inge pacl in muhtwacwacack fuhfahsryucsr lalos nuh rohtoh. Puhlan pacl sac ohu, ac mwet ah elos mas ac masrinsrwacl.

Brigham el pruhe ke kahsruh. Leum el fahk muh elos in kahsruh sie sin sie ac El fah ahkinsewowoyaclos ac kahsrwelos.

Fuhfahsryucsr sac srwackna upac. Kuhtuh mwet uh misac. Tuhsruhk ke srihpen wuhlweacng ke tempuhl lalos ah, Mwet Luhlahlfongi ac etuh lah eltahl ac sifilpac liye mwet in sucu laltahl ah.

Mwet Luhlahlfongi emet sun Infahlfahl Salt Lake ke yac 1847. Inge eltahl kuh in alu nuh sin Leum ac oruh orekma Lal ke mislac.

Yac puhs tok, puhkantwen Mwet Luhlahlfongi sifilpac tuhkuh ac muhsaheack tempuhl puhs. Misineri uh fahsrwelihk nuh fin facluh nohfohn in luti ke wosasuc luhn Jisus Kraist. Alu luhn Mwet Lahngo sikalweni in kap, ahkinsewowoye tuhlihk nuhtin Pahpah Inkuhsrao yen nuhkwewa.

Sra Puk in Sroal

El pa Kahlwem, Moul, ac Finsrak luhn facluh.

Sroalah sel Corey Egbert

Meac kom oruh ke Krismas in esamuhl Jisus Krast?