« ពួកបរិសុទ្ធទៅភាគខាងលិច » ប្រិយមិត្ត ខែធ្នូ ឆ្នាំ២០២៥ ទំព័រ ២៦–២៨ ។
សារលិខិតប្រចាំខែនៃទស្សនាវដ្តី ប្រិយមិត្ត ខែធ្នូ ឆ្នាំ២០២៥
ពួកបរិសុទ្ធទៅភាគខាងលិច
បន្ទាប់ពីយ៉ូសែប ស្ម៊ីធ បានស្លាប់ ព្រិកហាំ យ៉ង់ និងពួកសាវកផ្សេងទៀតបានដឹកនាំសាសនាចក្រ ។ ព្រិកហាំ យ៉ង់ បានដឹងថាពួកបរិសុទ្ធត្រូវចាកចេញពីណៅវូ ដោយសារវាមិនមានសុវត្ថិភាព ។ ប៉ុន្តែព្រះអម្ចាស់ចង់ឲ្យពួកគេបញ្ចប់ការសាងសង់ព្រះវិហារបរិសុទ្ធជាមុនសិន ។
នៅពេលដែលព្រះវិហារបរិសុទ្ធបានធ្វើហើយរួចរាល់ ពួកបរិសុទ្ធរាប់ពាន់នាក់បានធ្វើសេចក្តីសញ្ញាជាមួយនឹងព្រះអម្ចាស់ ហើយបានផ្សារភ្ជាប់ជាគ្រួសារ ។
ឥឡូវនេះវាដល់ពេលចាប់ផ្តើមដំណើររបស់ពួកគេទៅភាគខាងលិចហើយ ។ អាកាសធាតុមានភាពត្រជាក់ ហើយមនុស្សម្នាមានជំងឺ និងស្រេកឃ្លាន ។
ព្រិកហាំ យ៉ង់បានអធិស្ឋានទូលសុំជំនួយ ។ ព្រះអម្ចាស់បានមានព្រះបន្ទូលថា ពួកគេគួរតែជួយគ្នាទៅវិញទៅមក ហើយទ្រង់នឹងប្រទានពរ និងជួយដល់ពួកគេ ។
ការធ្វើដំណើរនៅតែលំបាកខ្លាំងណាស់ ។ មនុស្សមួយចំនួនបានស្លាប់ ។ ប៉ុន្តែដោយសារតែសេចក្តីសញ្ញានៃព្រះវិហារបរិសុទ្ធរបស់ពួកគេ ពួកបរិសុទ្ធបានដឹងថាពួកគេនឹងជួបសមាជិកគ្រួសាររបស់ពួកគេម្តងទៀត ។
ពួកបរិសុទ្ធដំបូងគេបានមកដល់ជ្រលងភ្នំ សលត៍ លេក ក្នុងឆ្នាំ១៨៤៧ ។ នៅទីនេះ ពួកគេអាចថ្វាយបង្គំព្រះអម្ចាស់ ហើយធ្វើកិច្ចការរបស់ទ្រង់ដោយភាពសុខសាន្ដ ។
កន្លងមកច្រើនឆ្នាំ ពួកបរិសុទ្ធកាន់តែច្រើនបានមកដល់ និងបានសាងសង់ព្រះវិហារបរិសុទ្ធកាន់តែច្រើន ។ ពួកអ្នកផ្សព្វផ្សាយសាសនាបានធ្វើដំណើរទៅទូទាំងពិភពលោក ដើម្បីបង្រៀនដំណឹងល្អរបស់ព្រះយេស៊ូវគ្រីស្ទ ។ សាសនាចក្ររបស់ព្រះអង្គសង្រ្គោះបានបន្តរីកចម្រើន ដោយប្រទានពរដល់បុត្រាបុត្រីរបស់ព្រះវរបិតាសួគ៌នៅគ្រប់ទីកន្លែង ។
ទំព័រផាត់ពណ៌
ទ្រង់គឺជាពន្លឺ ជាជីវិត ហើយជាសេចក្ដីសង្ឃឹមនៃពិភពលោក
រចនារូបភាពដោយ ខូរី អេចប៊ឺត
តើអ្នកធ្វើអ្វីខ្លះនៅក្នុងពេលបុណ្យគ្រីស្ទម៉ាស់ដើម្បីចង់ចាំព្រះយេស៊ូវគ្រីស្ទ ?
© ឆ្នាំ២០២៥ ដោយ Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly Friend Message, December 2025. Cambodian. 19637 258