Mapan iti Laud dagiti Santo

Kalpasan ti ipapatay ni Joseph Smith, indauluan ni Brigham Young ken dagiti dadduma nga Apostol ti Simbaan. Ammo ni Brigham a masapul a pumanaw dagiti Santo iti Nauvoo gapu ta saan a natalgeden. Ngem kayat ti Apo nga ileppasda ti panangbangon ti templo nga umuna.

Idi nakasaganan ti templo, rinibu a Santo ti nangaramid kadagiti katulaganda iti Apo ken nailantip a kas pamilia.

Ita, panawenen tapno rugianda ti panagdaliasatda nga agpalaud. Nalamiis ti panawen, ket masakit ken mabisin dagiti tao.

Nagkararag ni Brigham para iti tulong. Kinuna ti Apo a rumbeng nga agtitinnulongda, ket bendisionanna ida ken tulonganna ida.

Nakarigrigat latta ti panagdaliasat. Natay ti sumagmamano a tattao. Ngem gapu kadagiti katulaganda iti templo, ammo dagiti Santo a makitadanto manen dagiti miembro ti pamiliada.

Simmangpet dagiti immuna a Santo iti Salt Lake Valley idi 1847. Ditoy a mabalinda ti agdaydayaw iti Apo ken agaramid iti trabahona a sitatalna.

Iti panaglabas dagiti tawen, ad-adu pay a Santo ti simmangpet ken nangibangon iti ad-adu pay a templo. Nagdaliasat dagiti misionario iti intero a lubong a mangisuro iti ebanghelio ni Jesucristo. Nagtultuloy a dimmur-as ti Simbaan ti Mangisalakan, a mangbembendision kadagiti annak ti Nailangitan nga Ama iti amin a lugar.

Panid ti Panagkolor

Isu ti Silaw, ti Biag, ken ti Namnama ti Lubong

Panangiladawan ni Corey Egbert

Ania ti aramidem iti Krismas tapno malagipmo ni Jesucristo?