Ang mga Santos Nagbiyahe pakadto sa Weste

Pagkatapos nga napatay si Joseph Smith, si Brigham Young kag ang iban pa nga mga Apostoles ang nagpanguna sa Simbahan. Nakahibalo si Brigham nga kinahanglan sang mga Santos nga maghalin sa Nauvoo tungod indi ini luwas sa peligro. Pero antes sina, gusto sang Ginuo nga tapuson nila anay ang pagpatindog sang templo.

Sang handa na ang templo, linibo ka Santos ang naghimo sang mga kasugtanan upod sa Ginuo kag ginselyohan bilang mga pamilya.

Karon oras na sa pagsugod sang ila panglakaton pa-weste. Matugnaw ang klima, kag ang mga tawo nagaminasakit kag gutom.

Nagpangamuyo si Brigham para sa bulig. Nagsiling ang Ginuo nga dapat magbinuligay sila, kag pakamaayuhon kag buligan Niya sila.

Mabudlay gihapon kaayo ang biyahe. May mga nagkalamatay. Pero tungod sang ila mga kasugtanan sa templo, kabalo ang mga Santos nga makita nila liwat ang mga miyembro sang ila pamilya.

Nag-abot ang una nga mga Santos sa Salt Lake Valley sang 1847. Diri masimba nila ang Ginuo kag mahimo ang Iya buluhaton nga may kalinong.

Sa mga tinuig, mas madamo pa nga mga Santos ang nag-alabot kag nagtukod sang dugang pa nga mga templo. Nagabiyahe ang mga misyonero sa bilog nga kalibutan para magtudlo sang ebanghelyo ni Jesucristo. Padayon nga nagdako ang Simbahan sang Manluluwas, nga nagapakamaayo sa mga anak sang Amay nga Langitnon sa bisan diin.

Ginakoloran nga Pahina

Sia ang Kasanag, ang Kabuhi, kag ang Paglaum sang Kalibutan

Drowing ni Corey Egbert

Ano ang imo ginahimo kon Paskwa sa pagdumdom kay Jesucristo?