Aomata Aika Itiaki A Nako Maeo

I mwiin maten Iotebwa Timiti, a kaira te Ekaretia Brigham Young ao Abotoro tabeman. E ataia Brigham Young ae a riai ni kitana Nauvoo Aomata Aika Itiaki ibukina tbwa e aki mano. Ma e tangiria te Uea bwa a na katiaa moa katean te tembora.

Ngke e a tauraoi te tembora, ngaa Aomata Aika Itiaki a karaoi berita aika tabu ma te Uea ao a kabaeaki bwa utu.

Ngkai e a boo aia tai ni waakina mwanangaia nako maeao. Tauan kanoan te bong e rangi ni kamariri ao a aoraki aomata ao n rootaki n te baki.

E tataro Brigham Young ibukin te ibuobuoki. E taku te Uea bwa a riai n ibuobuoki imarenaia, ao E na kakabwaiaiia ao ni buokiia.

E teimatoa ni matoatoa aron te mwananga. A mate tabeman aomata. Ma ibukin aia berita aika a tabu n te tembora, a ataia Aomata aika Itiaki bwa a na manga nooria kaain aia utu.

Tabeua te namwakaina i mwiina, a roko taan moan mwananga irouia Aomata aika Itiaki i Salt Lake Valley n 1847. A kona ikai n tataroa te Uea ao ni karaoa Ana mwakuri i nanon te rau.

Inanon ririki ma ririki, a mwaiti riki Aomata Aika Itiaki ake a roko ao ni katei riki taian tembora. A mwamwananga mitinare ni kabuta te aonaaba n taetaekina ana euangkerio Iesu Kristo. E reitinako n rikirake ana Ekaretia te Tia Kamaiu, ni kakabwaiaia natin Tamara are i Karawa n taabo nako.

Te Iteraniba ae na Karanaki

Ngaia te Oota, te Maiu, ao te Kaantaninga n te Aonaaba

Kamataata n te Tamnei iroun Corey Egbert

Tera ae kona karaoia n te Kiritimati bwa ko aonga n uringa Iesu Kristo?