Era Lako kina Ra na Yalododonu

Ni sa mate oti o Josefa Simici, eratou a liutaka na Lotu o Brigham Young kei na Apositolo tale eso. A kila tu o Brigham ni sa dodonu vei ira na Yalododonu mera biuti Nauvoo baleta ni ra na sega ni taqomaki kina. Ia a vinakata na Turaga mera vakacavara taumada na tara ni valetabu.

Ni sa qai vakarau tu na valetabu, era a caka veiyalayalati vata kei na Turaga e udolu vakaudolu na Yalododonu ka ra vauci vakamatavuvale.

A sa kena gauna oqo me tekivutaki na nodra ilakolako ki na ra. A batabata mai na draki, era tauvimate ka via kana na tamata.

A masuta na veivuke o Brigham. A kaya na Turaga ni dodonu mera veivukei vakai ira, ka na vakalougatataki ira ka vukei ira o Koya.

A se dredre vakalevu tikoga na ilakolako. Eso na tamata era a mate. Ia ena vuku ni nodra veiyalayalati ena valetabu, era a kila tu kina na Yalododonu ni ra na raici ira tale nodra lewe ni matavuvale.

Era yaco yani na isevu ni Yalododonu kina Bucabuca e Salt Lake ena 1847. Eke e rawa nira qarava kina na Turaga ka cakava na Nona cakacaka ena vakacegu.

Ena veiyabaki tarava, era a yaco mai e vuqa tale na Yalododonu ka tara e levu tale na valetabu. Era lako yani na daukaulotu ki vuravura raraba me vakavulica na kosipeli i Jisu Karisito. A tubu tikoga na Lotu ni iVakabula, ka vakalougatataki ira tiko na luvena na Tamada Vakalomalagi e veivanua kecega.

Draunipepa ni Rokarokataki

O koya na Rarama, na Bula, kei na iNuinui kei vuravura

Droini mai vei Corey Egbert

Na cava o cakava ena Siganisucu mo nanumi Jisu Karisito kina?