Ekkewe Souneng ra No Notou

Mwirin an Joseph Smith mano, Brigham Young me ekkewe ekkoch Aposel ra emweni ewe Mwichefen. Brigham a sinei ekkewe Souneng ra no seni Nauvoo poiten ese chiwen tumun. Nge ewe Samon a mochen ir repwe awesi forutan ewe tempel akkom.

Nupwen ewe tempel a monneta, ngeroun Souneng ra fori pwon mi pin ren ewe Samon me ra ririfengen usun famini.

Iei a tori fansoun repwe poputani ar sai ngeni notou. Ewe asepwan a fokkun patapat, me aramas ra semwen me echik.

Brigham a iotek fan iten aninis. Ewe Samon a apasa pwe repwe aninis fengen, me I epwe efeiochur me anisir.

Ewe sai mi chiwen chok weires. Ekkoch aramas ra mano. Nge pokiten ar pwon mi pin non tempel, ekkewe Souneng mi sinei repwene kuna sefani chochon ar famini.

Ekkewe akkomwen Souneng ra tikeri ewe Salt Lake Valley non 1847. Ikei ra tongeni fen ngeni ewe Samon me fori An angang non kinamwe.

Non ekkewe ier, ekkoch pwan Souneng ra wareto me aueta ekkoch pwan tempel. Misineri ra sai fetan non ewe fonufan ar repwe afanafana ewe kapas allimen Jises Kraist. An ewe Chon Amanau Mwichefen a soposopono ne marino, a efeiochu noun Samach non Nang semirit ekis meinisin.

Peichen Enuwa

I ewe Saram, ewe Manau, me ewe Apinukunukun ewe Fonufan

Sassing seni Corey Egbert

Met ka fori atun Kirisimas ne chechemeni Jises Kraist?