Ol Sent Oli Go Long Wes

Brigham Yang i stap lukluk taem ol pipol i stap wok long tempol we i no finis yet blong Nauvu

Afta we Josef Smit i ded, Brigham Yang mo ol narafala Aposol oli lidim Jos. Brigham i save se ol Sent i mas aot long Nauvu from i nomo sef. Be, Lod i wantem olgeta blong oli bildim flatem tempol fastaem.

Brigham Yang i stap welkamem ol pipol long tempol

Taem tempol i finis, taosen long ol Sent oli mekem ol kavenan wetem Lod mo oli bin sil olsem ol famli.

Naoia i taem blong statem wan wokbaot i go long wes. Weta i bin kolkol, mo pipol oli sik mo hanggri.

Ol famli oli helpem ol narawan blong karem sam kakae mo ol blangket long kolkol

Brigham i prea from help. Lod i talem se oli mas helpem wanwan long olgeta, mo Hem bae i blesem mo helpem olgeta.

Wan famli i stap nildaon long saed blong wan gref

Wokbaot ia i had tumas yet. Sam pipol oli bin ded. Be from ol tempol kavenan we oli bin mekem, ol Sent oli save se oli save luk ol famli memba blong olgeta bakegen.

Brigham Yang long wan wagun i stap lukluk i go daon long Sol Lek Vale

Ol fas Sent oli kasem Sol Lek Vale long 1847. Long ples ia oli save wosipim Lod mo mekem wok blong Hem long pis.

Ol pikja blong ol tempol mo ol misinari wetem wol long bakgraon

Long plante yia, plante moa long ol Sent oli bin kam mo bildim moa tempol. Ol misinari oli travel raon long wol blong tijim gospel blong Jisas Kraes. Jos blong Sevya i gohed blong gro, mo i stap blesem laef blong ol pikinini blong Papa long Heven evri ples.

Pej blong kala long PDF blong bebi Jisas long menja mo wan smol sipsip

© 2025 i kam long Intellectual Reserve, Inc. Oli holem evri raet. Oli printim long USA. Oli letem long Inglis: 6/19. Oli letem long translesen: 6/19. Translesen blong Fren Mesej blong Evri Manis, Disemba 2025. Bislama. 19637 852