جین میننگ کا ناوُوہ کی طرف سفر

جہاں جین میننگ رہتی تھی، وہاں کُچھ لوگ اُس کو اُس کی جِلد کے رنگ کی وجہ سے اُس کے ساتھ بُرا سُلوک کرتے تھے۔ ایک دِن، جین نے ایک مِشنری کو تعلیم دیتے ہُوئے سُنا۔ جلد ہی اُس کا بپتِسما ہو گیا۔

جین کے خاندان نے بھی بپتِسما لے لِیا۔ وہ سب ناوُوہ میں مُقدّسِین کے ساتھ رہنا چاہتے تھے۔ اِس لیے اُنھوں نے اپنا سفر شُروع کِیا۔

جین کا خاندان سفر کا کُچھ حِصّہ کشتی پر طے کرنا چاہتا تھا، لیکن اُن کے پاس اِتنے پیسے نہیں تھے۔ لہٰذا اُنھیں 800 مِیل (1300 کِلومیٹر) پیدل چلنا پڑا۔

اُنھیں گہری ندی کو عُبور کرنا پڑا اور سردی میں باہر سونا پڑا۔ مگر وہ ناوُوہ پُہنچنے کے لیے پُرعزّم تھے۔ اُنھوں نے پیدل چلتے ہُوئے گیت گا کر اپنے حوصلے بُلند رکھے۔

جین کا خاندان تب تک چلتا رہا جب تک کہ اُن کے جُوتے پھٹ نہ گئے اور اُن کے پاؤں زخمی نہ ہو گئے۔ لیکن جب اُنھوں نے مدد کے لیے خُدا سے دُعا کی، تو اُس نے اُن کے پاؤں کو شِفا دی۔

وہ سفر میں مِلنے والے لوگوں کی مدد کرتے تھے۔ اُنھوں نے اپنے اِیمان کی بدولت ایک بیمار بچّے کی شِفایابی میں بھی مدد کی۔

آخِرکار، جین اور اُس کا خاندان ناوُوہ پُہنچ گئے! جب جوزف نے سُنا کہ اُنھوں نے کیا کُچھ برداشت کِیا ہے، تو اُس نے جین سے کہا، ”خُدا آپ کو برکت دے۔ اَب آپ دوستوں کے درمیان میں ہیں۔“

رنگ بھرو صفحہ

یِسُوع چاہتا ہے کہ مَیں ہر ایک سے پیار کرُوں

خاکہ کشی اَز کورے ایگبرٹ

آپ دُوسروں سے محبّت کا اِظہار کیسے کرتے ہیں؟