జేన్ మానింగ్ నావూకు ప్రయాణిస్తుంది

జేన్ మానింగ్ నివసించిన ప్రాంతంలో, ఆమె చర్మం రంగు కారణంగా కొందరు ఆమెతో దురుసుగా ప్రవర్తించారు. ఒక రోజు, ఒక సువార్తికుడు బోధించడం ఆమె విన్నది. త్వరలోనే ఆమె బాప్తిస్మం పొందింది.

జేన్ కుటుంబము కూడా బాప్తిస్మము పొందింది. నావూలోని పరిశుద్ధులతో ఉండాలని వారందరూ కోరుకున్నారు. కాబట్టి వారు తమ ప్రయాణం ప్రారంభించారు.

జేన్ కుటుంబం ప్రయాణంలో భాగంగా పడవపై ప్రయాణించాలని కోరారు, కానీ వారి వద్ద తగినంత డబ్బు లేదు. కనుక వారు 800 మైళ్ళు (1,300 కిమీ) నడవాల్సి వచ్చింది.

వారు లోతైన ప్రవాహాన్ని దాటి, బయట చలిలో పడుకోవాల్సి వచ్చింది. అయితే వారు నావూ చేరుకోవాలని నిశ్చయించుకున్నారు. వారు నడుస్తున్నప్పుడు పాటలు పాడుతూ తమను తాము ఉత్సాహపరచుకున్నారు.

జేన్ కుటుంబం వారి బూట్లు అరిగిపోయే వరకు మరియు వారి పాదాలకు గాయం అయ్యే వరకు నడుస్తూ ఉన్నారు. అయితే వారు సహాయం కోసం దేవునికి ప్రార్థన చేసినప్పుడు, ఆయన వారి పాదాలను స్వస్థపరిచారు.

మార్గం వెంబడి తమను కలిసిన జనులకు వారు సహాయం చేసారు. వారి విశ్వాసం కారణంగా వారు అనారోగ్యంతో ఉన్న ఒక బిడ్డను బాగుచేయడంలో కూడా సహాయం చేసారు.

చివరికి, జేన్ మరియు ఆమె కుటుంబం నావూ చేరుకుంది! వారు అనుభవించినదంతా విన్న జోసెఫ్ జేన్‌తో, “దేవుడు మిమ్మల్ని దీవిస్తారు. మీరు ఇప్పుడు స్నేహితుల మధ్య ఉన్నారు,” అని అన్నాడు.

రంగులు వేసే పేజీ

ప్రతీఒక్కరిని ప్రేమించాలని యేసు నన్ను కోరుతున్నారు.

కోరీ ఎగ్‌బర్ట్ చేత వివరణ

మీరు ఇతరులకు ప్రేమను ఏవిధంగా చూపిస్తారు?