Jane Manning e rātere ra i Nauvoo

I te vāhi i reira Jane Manning e ora ai, e hāmani-’ino-hia ’oia e vetahi mau ta’ata nō te ’ū o tōna ’iri. I te hō’ē mahana, ’ua fa’aro’o ’oia i te hō’ē misiōnare i te ha’api’ira’a. ’Aita i maoro ’ua bāpetizohia ’oia.

’Ua bāpetizo-ato’a-hia te ’utuāfare o Jane. ’Ua hina’aro rātou pā’āto’a ’ia ’āmui atu i te feiā mo’a nō Nauvoo Nō reira ’ua ha’amata rātou i tō rātou tere.

’Ua hina’aro te ’utuāfare o Jane e rātere nō te hō’ē tuha’a o te tere nā ni’a i te pahī, ’aita rā tā rātou moni e nava’i. Nō reira, ’ua haere ’āvae rātou 1 300 km.

’Ua ti’a ia rātou e haere nā roto i te mau pape hōhonu ’e ’ia taoto i rāpae i roto i te to’eto’e. ’Ua fa’aoti rā rātou ’ia tāpae iho ā i Nauvoo. ’Ua fa’aitoito rātou ia rātou iho ma te hīmenera’a ’a haere ’āvae noa ai rātou.

’Ua haere ’āvae te ’utuāfare o Jane ē tae roa ’ua verevere tō rātou tia’a ’e ’ua pēpē tō rātou ’āvae. I tō rātou rā purera’a i te Atua nō te tauturu, ’ua fa’aora ’oia i tō rātou ’āvae.

’Ua tauturu rātou i te mau ta’ata ’o tā rātou i fārerei i ni’a i te purūmu. ’Ua tauturu ato’a rātou i te fa’aora mai i te hō’ē tamari’i ma’i maoti tō rātou fa’aro’o.

I te hope’a, ’ua tae Jane ’e tōna ’utuāfare i Nauvoo ! I tō Iosepha Semita fa’aro’ora’a i te mau mea ato’a tā rātou i fa’aruru, ’ua parau ’oia ia Jane, « ’ia ha’amaita’i mai te Atua ia ’outou. Tei rotopū ’outou i te mau hoa i teienei ».

’Api fa’a’ūra’a

Tē hina’aro nei Iesu iā’u ’ia here i te mau ta’ata ato’a

Fa’ahōho’ara’a nā Corey Egbert

Nāhea ’oe ’ia fa’a’ite i te here ia vetahi ’ē ?