Jane Manning a Merael mora Nauvoo

A chad a melecholb ra Jane Manning ra rikl

Sel blel kiei er ngii a Jane Manning, ea re bebil ra rechad el mle mekngit er ngii leng iro ra bedengel. Tara klebesei, eng rirrengesii a misionari lolisechakl. Ngdi mle telkib eng mlo metecholb.

A Jane ma telungalk er ngii el dechor ra cheldukl er bita ra bilas.

A telungalk ra Jane a dirrek el mlo metecholb. Te rokui el mle sorir el obengterir a re Santo el ngara Nauvoo. Me te mocha omuchel er a omerollir.

A Jane ma telungalk er ngii a chellungel a bek e omes er a bilas el merolang el ngara omeuachel.

A telungalk ra Jane a mle sorir el ngara bilas ra telkib ra omerael, ngdi mle olngesonges a ududir. Me te mocha merael el eai el dart el mael (1,300 km).

Jane ma telungalk er ngii el merael loureacher a telmall loeacher ma dechudech el bail

Te mlo melobech a dmolech lomouachel e mechiuaiu ra rikl el ngara kelkolt. Ngdi te mle ruul ra rengrir el mora Nauvoo. Ng di tir el choieng er tir sel longitakl e lomekebakes.

Jane a lomael ra ochil a sechal er a hotai.

Jane me a telungalek er ngii a di mirael mo lemuut er a orcherir a mechetong ea ocherir a merenglang. Eng di sera loluluuch el mo ra Dios lolengit a ngeseu, e Ngii a ulmekungil a ocherir.

A delbechelir a rechad lomes ra Jane lobengkel a redil el mengabel ra smecher el ngalk

Te ulngeseu er a rechad sel lesterir er tial omerollir. Te dirrek lulngeseu el lomekungir ra smecher el ngalek el mlo ungil eleng klaumera er tir a uchul.

Jane lomechuul ra Emma Smith ea Joseph Smith a klikm mechur

Uriul, ea Jane me a telungalek er ngii a merma ra Nauvoo! A Joseph Smith er a rrenges a ikel rokui el blol chau er a chelsel tial omerollir, eng dilu ra Jane, “A Dios lomekngeltengat er kau. Kau a mla mo tekoi ra resechelim er a chelechang.”

Babier ra kurreong ra PDF ra re terul ngalk el dmak el dengchokl er a kingall