ເຈນ ແມນ​ນິງ ເດີນ​ທາງ​ໄປ​ເມືອງ​ນາ​ວູ

ໃນ​ສະ​ຖານ​ທີ່​ທີ່​ເຈນ ແມນ​ນິງ ອາ​ໄສ​ຢູ່, ມີ​ຜູ້​ຄົນ​ບາງ​ຈຳ​ນວນ​ໄດ້​ປະ​ຕິ​ບັດ​ບໍ່​ດີ​ກັບ​ລາວ ຍ້ອນ​ສີ​ຜິວ​ຂອງ​ລາວ. ມື້ໜຶ່ງ, ລາວໄດ້ຍິນຜູ້ສອນສາດສະໜາກຳລັງສິດສອນ. ຕໍ່ມາບໍ່ດົນລາວກໍໄດ້ຮັບບັບຕິສະມາ.

ຄອບຄົວຂອງຈນກໍໄດ້ຮັບບັບຕິສະມາເຊັ່ນກັນ. ເຂົາເຈົ້າທັງໝົດຕ້ອງການຈະໄປຢູ່ກັບໄພ່ພົນທີ່ເມື່ອງນາວູ. ສະນັ້ນເຂົາເຈົ້າຈຶ່ງໄດ້ເລີ່ມການເດີນທາງ.

ໃນສ່ວນໜຶ່ງຂອງການເດີນທາງ ຄອບຄົວຂອງເຈນຕ້ອງການເດີນທາງດ້ວຍເຮືອ, ແຕ່ວ່າເຂົາເຈົ້າບໍ່ມີເງິນພຽງພໍ. ສະນັ້ນເຂົາເຈົ້າຈຳເປັນຕ້ອງຍ່າງໄປ 800 ໄມ (1,300 ກິໂລແມັດ).

ເຂົາເຈົ້າຈຳຕ້ອງຂ້າມນໍ້າເລິກ ແລະ ນອນຢູ່ຂ້າງນອກດ້ວຍຄວາມໜາວເຢັນ. ແຕ່ເຂົາເຈົ້າຕັ້ງໃຈທີ່ຈະໄປໃຫ້ຮອດເມືອງນາວູ. ເຂົາເຈົ້າໄດ້ເຊຍຕົວເອງ ໂດຍການຮ້ອງເພງຂະນະທີ່ຍ່າງໄປ.

ຄອບຄົວຂອງເຈນໄດ້ຍ່າງຈົນເກີບຂາດ ແລະ ຕີນຂອງເຂົາເຈົ້າກໍເຈັບປວດ. ແຕ່ເມື່ອເຂົາເຈົ້າໄດ້ອະທິຖານຂໍຄວາມຊ່ວຍເຫລືອຈາກພຣະເຈົ້າ, ພຣະອົງໄດ້ປິ່ນປົວຕີນຂອງເຂົາເຈົ້າ.

ເຂົາເຈົ້າໄດ້ຊ່ວຍຜູ້ຄົນທີ່ເຂົາເຈົ້າພົບເຫັນຕາມຫົນທາງ. ເຂົາເຈົ້າຍັງໄດ້ຊ່ວຍປິ່ນປົວເດັກຄົນໜຶ່ງທີ່ເຈັບປ່ວຍນຳອີກ ເພາະສັດທາຂອງເຂົາເຈົ້າ.

ໃນທີ່ສຸດ, ເຈນ ແລະ ຄອບຄົວຂອງລາວກໍໄດ້ໄປເຖິງເມືອງນາວູ! ເມື່ອໂຈເຊັບ ສະມິດ ໄດ້ຍິນເລື່ອງລາວທັງໝົດທີ່ເຂົາເຈົ້າໄດ້ຜ່ານຜ່າ, ເພິ່ນກໍບອກເຈນວ່າ, “ຂໍພຣະເຈົ້າອວຍພອນ. ຕອນນີ້ເຈົ້າຢູ່ທ່າມກາງໝູ່ເພື່ອນແລ້ວ.”

ໜ້າລະບາຍສີ

ພຣະເຢຊູປະສົງໃຫ້ເຮົາຮັກທຸກຄົນ

ພາບປະກອບ ໂດຍ ໂຄຣີ ເອັກເບີດ

ເຈົ້າຈະສະແດງຄວາມຮັກຕໍ່ຄົນອື່ນແນວໃດ?