Jane Manning El Fuhfahsryucsr nuh Nauvoo

Ke acn ma Jane Manning el muhta kac, kuhtuh mwet insac tiac oruh wo nuh sel ke srihpen siena tuhn ke mahnol. Sie lwen ah, Jane el lihpsre misineri luti. Tiac paht el pacptaislac.

Sucu lal Jane ah pacptaislac pac. Elos nuhkewa ke som ohsun nuh sin Mwet Luhlahlfongi fin acn Nauvoo. Oruh elos muhtacwacack fuhfahsryucsr lalos.

Elos luhngse wi ak inge ke fahsr se lalos inge, tuhsruhk wacngihn mani lalos. Pwacnwacng elos enenuh in fahsr ke lusen mael 800 (1,300 km).

Elos enenuh in fahlac ahluhkwelah infacl loal soko wangihn sohs kac. Tuhsruhk elos moniyuck in sun acn Nauvoo. Elos ahkkweyaclos sifacna ke elos fahsr on.

Jane ac sucu lal fahsr na fahsr nekena fahluhk lalos ah muhsahllah ac ngal niaclos. Tuhsruhk ke elos pruhe siyuck kahsruh sin God, El onwelah niaclos.

Elos kahsruh mwet ma elos ohsun nuh se ke fuhfahsryucsr lalos. Elos kahsruh onwelah tuhlihk mas se ke na srihpen luhlahlfongi lalos.

Sahflah, Jane ac sucu lal sun acn Nauvoo! Ke Joseph el lohng ma nuhkewa ma elos sun, el fahk nuh sel Jane, “God El ahkinsewowoye kom. Kom oasr inmahsrlon kawuck ingena.”

Sra Puk in Sroal

Jisus El Luhngse Nga in Luhngse Mwet Nuhkewa

Sroalah sel Corey Egbert

Kom ahkkahlwemye fuhkah luhngse nuh sin mwet sahyac?