Agbaniaga ni Jane Manning iti Nauvoo

Iti lugar a pagnanaedan ni Jane Manning, sumagmamano a tattao ti nangtrato kenkuana iti di nasayaat gapu iti maris ti kudilna. Maysa nga aldaw, nangngegna ti panangisuro ti maysa a misionario. Iti saan a nabayag nabuniagan isuna.

Nabuniagan met ti pamilia ni Jane. Tinarigagayanda amin ti makikadua kadagiti Santo iti Nauvoo. Isu a rinugianda ti nagbaniaga.

Tinarigagayan ni Jane ti agbaniaga babaen iti bilog iti paset ti biahe, ngem awan ti umdas a kuartada. Isu a nasken a pagnaenda ti 800{sp} a milia (1,300{sp}km).

Nasken a ballasiwenda ti adalem a waig ken naturogda iti ruar a nalam-ek. Ngem adda namnamada a makadanon iti Nauvoo. Pinaragsakda ti bagbagida babaen ti panagkantada bayat ti pannagnada.

Nagtultuloy a nagna da Jane ken ti pamiliana agingga a nadadael ti sapatosda ken nadangran dagiti sakada. Ngem idi nagkararagda iti Dios iti tulong, pinaimbagna dagiti sakada.

Tinulonganda dagiti tao a naam-ammoda iti panagdaliasatda. Timmulongda pay a nangpaimbag iti masakit nga ubing gapu iti pammatida.

Kamaudiananna, nakadanon da Jane ken ti pamiliana iti Nauvoo! Idi nangngeg ni Joseph Smith ti amin a napasaranda, imbagana ken ni Jane, “Bendisionannaka ti Dios. Maibilangka kadagiti gagayyem itan.”

Panid ti Panagkolor

Kayat ni Jesus nga Ayatek ti Tunggal Maysa

Panangiladawan ni Corey Egbert

Kasano nga ipakitam ti ayatmo iti dadduma?