Si Jane Manning Nagbiyahe pa-Nauvoo

Sa lugar nga ginaestaran ni Jane Manning, may mga tawo nga indi maayo ang trato sa iya tungod sa kolor sang iya panit. Isa ka adlaw, nakabati sia sang isa ka misyonero nga nagatudlo. Wala madugayi ginbunyagan sia.

Ginbunyagan man ang pamilya ni Jane. Gusto nila tanan nga mag-upod sa mga Santos sa Nauvoo. Gani nagsugod sila sa pagbiyahe.

Gusto sang pamilya ni Jane nga magsakay sa barko sa isa ka bahin sang ila pagbiyahe, pero kulang ang ila kuwarta. Gani kinahanglan nila maglakat sang 800 ka milya (1,300 km).

Kinahanglan nila magtabok sa madalom nga suba kag magtulog sa gwa sa tugnaw. Pero determinado sila nga makalab-ot sa Nauvoo. Ginlingaw nila ang ila mga kaugalingon paagi sa pagkanta samtang nagalakat.

Naglakat ang pamilya ni Jane hasta natais ang ila mga sapatos kag nagkalap-ukan ang ila mga tiil. Pero sang nagpangamuyo sila sa Dios para sa bulig, ginpaayo Niya ang ila mga tiil.

Ginbuligan nila ang mga tawo nga ila masugata sa dalanon. Ginbuligan man nila nga mag-ayo ang isa ka masakiton nga bata tungod sa ila pagtuo.

Sang ulihi, nakalab-ot gid man si Jane kag ang iya pamilya sa Nauvoo! Sang mabatian ni Joseph Smith ang ila inagyan, siling niya kay Jane, “Bugayan ka sang Dios. Ari na kamo subong upod sa mga kaabyanan.”

Ginakoloran nga Pahina

Gusto ni Jesus nga Palanggaon Ko ang Tanan

Drowing ni Corey Egbert

Paano mo ginapakita ang pagpalangga sa iban?