Jane Manning Vwayaje ale Nauvoo

Yon mesye k ap batize Jane Manning nan yon andwa deyò

Kote Jane Manning t ap viv la, gen kèk moun ki te trete l mal akoz koulè po li. Yon jou, li te tande yon misyonè ki t ap anseye. Byen vit apre, li te batize.

Jane ak fanmi li ki kanpe sou rivaj la tou pre yon bato

Fanmi Jane te batize tou. Yo tout te vle rete avèk Sen yo nan Nauvoo. Konsa, yo te kòmanse vwayaj yo a.

Jane ak fanmi li k ap pote sak yo epi k ap gade yon bato k ap pati sou yon rivyè

Fanmi Jane te vle vwayaje nan bato pou yon pati nan vwayaj la, men yo pa t gen ase lajan. Se sa k fè yo te oblije mache sou yon distans 800 mil (1,300 km).

Jane ak fanmi li k ap mache avèk soulye ki fin kraze ak rad ki sal ak labou

Yo te oblije travèse yon rivyè byen fon epi dòmi deyò nan fredi a. Men, yo te detèmine pou yo te rive Nauvoo. Yo te chante pou yo te ankouraje tèt yo pandan yo t ap mache.

Jane k ap vlope pye yon mesye avèk yon bandaj.

Fanmi Jane te mache jiskaske soulye yo te dechire epi pye yo te blese. Men, lè yo te priye mande Bondye èd, Li te geri pye yo.

Yon gwoup moun k ap gade Jane avèk yon fi ki kenbe yon timoun malad

Yo te ede moun yo te rankontre sou wout la. Yo te menm ede geri yon timoun malad akoz lafwa yo.

Jane k ap anbrase Emma Smith ak Joseph Smith k ap souri

Finalman, Jane ak fanmi l te rive Nauvoo! Lè Joseph Smith te tande tout sa yo te pase, li te di Jane, "Bondye beni ou. Ou nan mitan zanmi kounye a."

Paj PDF kolorye ki montre de timoun ki chita ansanm sou yon chèz

© 2025 pa Intellectual Reserve, Inc. All rights reserved. Enprime nan Etazini Damerik. Apwobasyon anglè: 19/6. Apwobasyon Tradiksyonl: 19/6. Tradiksyon Monthly Friend Message, October 2025. Haitian Creole. 19630 036