E Mwananga Jane Manning nako Nauvoo

N te tabo are e maeka iai Jane Manning, a aki toki tabeman aomata n bwainikirinna ibukin karan kunna. N te bong teuana, e ongo ana reirei te mitinare.; E bwabetitoaki neiei n te tai ae tawe.

A bwabetitoaki naba ana utu Jane. A tangiria ngaiia ni kabane bwa a na mena i rarikiia Aomata aika Itiaki i Nauvoo. Ngaia are a moana mwanangaia.

A tangiria n mwananga ana utu Jane n te booti n mwakoron mwananga tabeua, ma e aki tau aia mwane. Ngaia are a rianna n te raroa ae 800 te maire (1,300 km).

A mwananga rinanon te ran ae nano ao ni matuu i tinaniku i aan te mwaitoro. Ma a nanomatoa ni kan roko i Nauvoo. A kaungaia i bon irouia n anene i nanon aia tai n rianna.

A rianna ana utu Jane ni karokoa a uruaki aia kau ao a ikoaki waeia. Ma ngke a tataro nakon te Atua ibukin ana ibuobuoki, E kamaoi waeia.

A buokiia aomata ake a boo ma ngaiia inanon kawaia. A buoka naba kamarurungan te ataei ae aoraki man aia onimaki.

N tokin te tai, a roko Jane ma ana utu i Nauvoo! Ngke e ongo Iotebwa Timiti te bwai are a tia n rinanona, e tuanga Jane, “E kakabwaiako te Atua. Kam mena ibuakoia raoraomi n te tai aei.”

Te Iteraniba ae e na Karanaki

E tangirai Iesu bwa N na Tangiriia Aomata Nako

Kamatataa n te Tamnei iroun Corey Egbert

Ko na kanga ni kaota te tangira nakoia aomata?