Jane Manning a Sai ngeni Nauvoo

Emon mwan a papataisei Jane Manning eu neni nukun

Ikewe Jane Manning a nonnom ie, ekkoch aramas ra fofforungaw ngeni pokiten onuwan inisin. Eu ran, Jane a rongorong emon misinari a asukun. Mwirin chok a papatais.

Jane me an famini ra uta orosset unukun efoch mwota

An Jane famini a pwan papatais. Ir meinisin ra mochen nom ren ekkewe Souneng non Nauvoo. Iwe ra poputani ar sai.

Jane me an famini ra uwei ar potou me katon efoch mwota a satiw non ewe chonupupu

An Jane famini a mochen sai won mwota ren ekis pekin ewe sai, nge ese naf nour moni. Iwe ra fetan ren ukukun 800 mwain (1,300 km).

Jane me an famini ra fetan non sus mi mesino me uf mi pwakak

Ra fen feino non eu pupun konik mi anonnon me mour nukun non ewe patapat. Nge ra finata pwe repwe tikeri Nauvoo. Ra amweirar pusin ren kon nupwen ra fetan.

Jane a tukumano pechen emon mwan non eu tukutukun kinas

An Jane famini ra fetan tori nour kewe sus ra kam me pecher ra metek. Nge nupwen ra iotek ngeni Kot ren aninis, I a achikara pecher.

Eu mwichen aramas ra katon Jane fiti emon fefin a kamwoch emon semirit mi semwen

Ra anisi ekkewe aramas ra churir won anen ar ewe sai. Ra pwan anisi ne achikara emon semerit mi semwen pokiten ar nuku.

Jane a foropacheno Emma Smith ren Joseph Smith a emenimen

Amuchunon, Jane me an famili ra tori Nauvoo! Nupwen Joseph a rong met a fis ngenir, a ureni Jane, “Kot epwe efeiochuk. Ka nomw nein chiechi iei.”

Peichen Enuwa PDF ren ruomon semirit ra mommot fengen won efoch sea

© 2025 seni Intellectual Reserve, Inc. Meinisin pung mi kawor. Mi katou non USA. Kapunguno non fosun Merika: 6/19. Kapungunon chiakun: 6/19. Chiakun Porous ren Chiechie Iteiten Maram, October 2025. Chuukese. 19630 901