Jane Manning I Travel I go long Nauvu

Long eria we Manning i stap long hem, sam pipol oli tritim nogud hem from kala blong skin blong hem. Wan dei, hem i harem wan misinari i stap tij. Smol taem afta hem i kasem baptaes.

Famli blong Jane tu oli kasem baptaes. Olgeta evriwan i wantem blong stap wetem ol Sent long Nauvu. Mekem se oli statem wokbaot blong olgeta.

Famli blong Jane i wantem blong tekpat long wokbaot ia mo go long bot, be oli nogat inaf mane. I mekem se oli mas wokbaot blong 800 mael (1,300 kilometa).

Oli mas krosem wan dip reva mo slip aotsaed long kolkol. Be oli gat strong tingting blong kasem Nauvu. Oli leftemap tingting blong olgeta wanwan tru long singsing taem oli stap wokbaot.

Jane mo famli blong hem oli wokbaot kasem taem ol sus blong olgeta i brokbrok mo ol leg blong olgeta i soa. Be taem oli prea long God from help, Hem i hilim leg blong olgeta.

Oli bin helpem ol man we oli mitim long rod blong olgeta. Oli iven help blong hilim wan pikinini we i sik tru long fet blong olgeta.

Long en, !Jane mo famli blong hem i kasem Nauvu! Taem Josef Smith i harem wanem oli bin go tru long hem, hem i talem long Jane, “God i blesem yu. Yumi kam ol fren nao.”

Pej blong Kala

Jisas i Wantem Mi blong mi Lavem Evriwan.

Pikja droing i kam long Corey Egbert

?Olsem wanem nao yu stap soem lav long ol narawan?