Muhsahi Nauvoo

Mwet Luhlahlfongi elos muhta ke lohm nuknuk sisken Infacl Mississippi

Leum El fahk nuh sin Mwet Luhlahlfongi in tuhkweni nuh sie ke acn sasuc se. An sisken infacl luhlahp soko, yac fin acn ah arulacna sroksrok ac fuhrahrrahr. Tiacna acn wowo se in muhsahi sie siti we. Tuhsruhktuh Joseph Smith el etuh lah ke kahsruh luhn Leum, eltahl kuh in oraclah kahtoi.

Mukul se us pohloh sahk fin pihsacl, ohsr soko ac wackohn soko wi kuhfwen mwe muhsah, ac lohm oreklac ke sahk

Joseph Smith ac mwet sahyac tahkihn yot ke elos muhsahi lohm se

Mwet Luhlahlfongi elos orekma upac in oraclah acn wowo se in muhta we. Joseph el pahngon acn sac Nauvoo, kalmac pa “sie acn kahto.”

Joaeph Smith el srihsrngiyac sie acn fin ohl soko tuh in pa acn tempuhl se in muhsahyak we uh

Leum El kena Mwet Luhlahlfongi Lal in muhsahelah sie tempuhl fin acn Nauvoo. Mwet ah suhlwahklwahk muhtwacwacack orekma.

Joseph Smith el luti Mwet Luhlahlfongi sahyac lun lohm se

Leum El ahkolah mwe insewowo na yohk in sang nuh sin mwet Lal. Lun tempuhl, elos ac orek wuhlweacng, kuh olwelah sacohk, yurin Leum. Elos fah oacyacpac lutlut ke plwacn in engan luhn Pahpah Inkuhsrao nuh sin tuhlihk nahtuhl nuhkwewa.

Mwet Luhlahlfongi ac orekma upac in muhsahelah tempuhl sac. Orek ke pacl na loeloes se, tuhsruhk elos rahrahlac nuh ke lwen se ma kais sie selos kuh in lotwelah ke olweacng sacohk ma Leum El oraclah nuh selos ke tempuhl Lal.

© 2025 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Mwe Fahkwack ke Mahlwem Nuhkwewa ke Kawuck, Septempuh 2025.Kosraean. 19640 868