Panangbangon iti Nauvoo

Imbaga ti Apo kadagiti Santo nga aguummongda iti maysa a baro a lugar. Asideg daytoy iti dakkel a karayan, a sadiay nabasa ken napitak ti daga. Kasla saan a nasayaat a lugar daytoy a pangbangonan iti maysa a siudad. Ngem ammo ni Propeta Joseph Smith a babaen ti tulong ti Apo, mapagbalinda daytoy a napintas.

Nagtrabaho a sipapasnek dagiti Santo tapno pagbalinen daytoy a maysa a nasayaat a lugar a pagnaedan. Inawagan ni Joseph ti ili a Nauvoo, a kaipapananna ti “maysa a napintas a lugar.”

Kayat ti Apo a mangbangon dagiti Santona iti maysa a templo idiay Nauvoo. Sidadaras a nangrugi iti panagtrabaho dagiti tao.

Adda dagiti naindaklan a bendision nga ited ti Apo kadagiti taona. Iti templo, agaramidda kadagiti katulagan, wenno naisangsangayan a kari, iti Apo. Masursuroda pay maipapan iti plano ti Nailangitan nga Ama iti ragsak para kadagiti amin nga annakna.

Nagtrabaho a sipapasnek dagiti Santo a mangbangon iti templo. Naibubos ditoy ti nabayag a panawen, ngem naragsakanda a maammuan maipapan kadagiti naisangsangayan a kari ti Apo para kadakuada iti templona.

Panid ti Panagkolor

Ti Templo ti Balay ti Apo

Panangiladawan ni Corey Egbert

Kasano ti mariknam no makitam ti maysa a templo?