Pagtukod sang Nauvoo

Mga Santos sang una nga nagaestar sa mga tolda sa kilid sang Suba sang Mississippi

Ginhambalan sang Ginuo ang mga Santos nga magtipon sa bag-o nga lugar. Malapit ini sa dako nga suba, kon diin basa kag lutakon ang duta. Daw indi ini manami nga lugar para patindugan sang siyudad. Pero kabalo si Propetang Joseph Smith nga sa bulig sang Ginuo, masarangan nila ini nga patahumon.

Lalaki nga nagapas-an sang kahoy, kabayo kag karo nga may gamit sa pagpamanday, kag mga balay nga human sa kahoy

Si Joseph Smith kag ang iban nga mga tawo nga nagahantal sang mga tiesa (bricks) samtang nagapatindog sang balay

Nagtrabaho sing todo ang mga Santos para himuon ang lugar nga maayo estaran. Gintawag ni Joseph ang banwa nga Nauvoo, nga buot silingon “matahum nga lugar.”

Si Joseph Smith nga nagatudlo sang lugar sa bungyod nga patindugan sang templo

Gusto sang Ginuo nga magpatindog ang Iya mga Santos sang templo sa Nauvoo. Madasig nga nagsugod sa pagtrabaho ang mga tawo.

Si Joseph Smith nga nagatudlo sa iban nga mga Santos sa isa ka balay

May madamo nga bugay nga inughatag ang Ginuo sa Iya katawhan. Sa sulod sang templo, magahimo sila sang mga kasugtanan, ukon espesyal nga mga promisa, upod sa Ginuo. Magatuon man sila parte sa plano sang kaluwasan sang Amay nga Langitnon para sa tanan Niya nga kabataan.

Nagtrabaho sing todo ang mga Santos sa pagtukod sang templo. Madugay ini natapos, pero malipayon sila nga magtuon parte sa espesyal nga mga promisa sang Ginuo para sa ila sa Iya templo.

Ginakoloran nga pahina sang templo PDF sang Aktibidades

© 2025 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, September 2025. Hiligaynon. 19640 861