Liberty-fangelsið

Mörgum í Missouri líkaði ekki við hina heilögu. Ríkisstjórinn sendi hermenn til að reka þá í burtu.

Maður á hesti beinir sverði að Joseph Smith

Hermennirnir handtóku Joseph Smith og aðra leiðtoga kirkjunnar. Kvöld eitt hlógu verðirnir að því slæma sem þeir höfðu gert hinum heilögu.

Joseph Smith stendur upp með keðjur á úlnliðunum og talar við menn

Joseph stóð upp og hrópaði: „Þögn!“ Hann talaði með krafti Guðs. Verðirnir báðust afsökunar og hættu að tala.

Joseph Smith og aðrir menn í Liberty-fangelsinu daprir og kaldir

Síðar voru Joseph og vinir hans settir í fangelsi í bæ sem hét Liberty. Fangelsið var kalt, lítið og dimmt. Þeir höfðu aðeins skítugan hálm til að sofa á. Maturinn sem þeim var gefinn gerði þá veika.

Joseph Smith grátandi og maður huggar hann

Joseph hafði áhyggjur af hinum heilögu. Hann gat þó ekkert gert þeim til hjálpar.

Joseph baðst mikið fyrir. Hann spurði hvort Guð hefði gleymt honum og kirkjumeðlimunum.

Joseph Smith krjúpandi í fangelsi, horfandi upp í átt að sólarljósi í litlum glugga

Guð bænheyrði Joseph. Hann sagði: „Sonur minn, friður sé með sál þinni.“ Guð sagði Joseph að áskoranir hans yrðu ekki varanlegar og yrðu honum til góðs. Hann lofaði að vera með Joseph „alltaf og að eilífu“ (Kenning og sáttmálar 121:7, 46).

Litasíða með vita, grýttri strönd og seglbát í sjónum