Pagbaludan iti Liberty

Adu a tattao idiay Missouri ti saan a manggusto kadagiti Santo. Imbaon ti gobernador dagiti soldado tapno papanawenda ida.

Tiniliw dagiti soldado ni Joseph Smith ken ti dadduma pay a lider ti Simbaan. Maysa a rabii, agkatkatawa dagiti guardia maipapan kadagiti dakes nga inaramidda kadagiti Santo.

Timmakder ni Joseph ket impukkawna, “Agulimekkayo!” Nagsao nga addaan iti bileg ti Dios. Nagpadispensar dagiti guardia ket nagsardengdan nga agsasao.

Idi agangay, naibalud ni Joseph ken dagiti gagayyemna iti maysa nga ili a maawagan iti Liberty. Nalamiis, bassit, ken nasipnget ti pagbaludan. Adda laeng ti narugit a garami a pagturoganda. Nagsakitda gapu iti taraon a naited kadakuada.

Madanagan ni Joseph maipapan kadagiti Santo. Ngem awan ti maaramidanna a tumulong kadakuada.

Napasnek a nagkarkararag ni Joseph. Dinamagna no nalipatanen ti Dios ti maipapan kenkuana ken kadagiti miembro ti Simbaan.

Sinungbatan ti Dios ti kararag ni Joseph. Kinunana, “Anakko, pagtalnaem ti kararuam.” Imbaga ti Dios ken ni Joseph a saan nga agpaut iti agnanayon dagiti karitna ket dagitoy ti agpaay iti pagimbaganna. Inkarina nga Isu ket makikaduanto ken ni Joseph “iti agnanayon nga awan inggana” (Doktrina ken Katulagan 121:7, 46).

Panid ti Panagkolor

Makapagbalinak a Maysa a Lawag kadagiti Dadduma

Panangiladawan ni Corey Egbert

Kasano a maysaka a nasayaat a pagwadan kadagiti dadduma?