Te Marooro ma Teancum iaon Booki aika Tabu

Bon ruaiwa au ririki ni maiu ao te bina ngai mai buakoia onoman naati n te utu. Te kara ae te uraura boni ngaia mamaten nanou, ao e mamate naba nanou n te amwarake ae te kare ni moa ma te raiti. I tatangira te takakaro ae te rugby! Te bwai ae I rangi n onoti iai bon man arau. Au moan ara e reke bon man aran te tia buaka n ana Boki Moomon, au kauoua n ara bon mairoun ai tamau ae kaain Nigeria, ao au kabanea n ara bon te ara ni Biti.

I tangiria ni wareware ni booki aika tabu ma au utu. Te kamatebwai man reirei n Nakomai, Iriirai n ikotaki. I rangi ni kan atai karaki aika a boou ni katoa wiiki. Ti maroroakina te bwai are ti reiakinna ao n tibwaua ara koaua i marenara. Ngkana I wareware ni booki aika tabu, I tangiria naba ni katamneia arou inanon te karaki.

I kauringaki ni booki aika tabu bwa I riai n ninikoria ao n aki mamaaku ao n tataro ibukin karauan nanou. Ngkana te tai are I namakina iai te maaku ke te maroaa, I ataia bwa n taainako ao e na karaua nanou te Tamnei ae Raoiroi.

Te karaki ae mamate nanou iai man ana Boki Moomon bon karakainan Teancum ibukina bwa bon te tia kairiiri ae korakora ao te tia buaka. E tei ibukiia ana utu, raoraona, ao te Ekaretia. I ataia bwa I kona naba n riki n ai arona ao ni katana te bwai are e bane nanou n tatangiria.

Ngkana iai temanna ae rangi ni korakora n reiakinaki man booki aika tabu, a kona n tuanga tinaia ke tamaia ke tao bon tariia ao mwaaneia bwa e na buokiia. A rangi ni bubuokai au utu. Ko kona naba n tuanga am tia reirei n te Moanrinan ke te tia kairiiri n te ekaretia!