Shënimet e Konferencës

Presidenti Ouks dha mësim se një besëlidhje është një zotim për të bërë gjëra të caktuara. Për shembull, mjekët dhe zjarrfikësit besëlidhin që t’u shërbejnë njerëzve në komunitetin e tyre. Kur bëjmë besëlidhje me Atin Qiellor, si për shembull kur pagëzohemi, ne premtojmë se do t’i shërbejmë Atij dhe do t’iu bindemi urdhërimeve të Tij. Ai na bekon kur i mbajmë besëlidhjet tona.

Kjo më mëson:

Plaku Renland tregoi rreth një udhëtimi me kajak ku ai voziti shumë përpara familjes së tij. Kur u ndal, një valë e hodhi atë në ujë. Udhërrëfyesi i tha që të vazhdonte të voziste në mënyrë që të lëvizte përpara dhe të mos binte. Nëse vazhdojmë të “vozitim” drejt Shpëtimtarit, ne mund të qëndrojmë të palënduar dhe të sigurt.

Kjo më mëson:

Presidenti Pejs tregoi se si kur ishte 11 vjeç, nëna e vet e pyeti a e dinte vetë se ungjilli është i vërtetë. Ai vendosi të lexonte Librin e Mormonit dhe të lutej për ta ditur. Teksa lutej, ai ndjeu ngushëllim e paqe nga Fryma e Shenjtë. Kjo e ndihmoi që të fitonte dëshminë e vet.

Kjo më mëson:

Motra Spanaus tregoi historinë e Davidit dhe Goliathit. Ashtu si Davidi kishte pesë gurë për të luftuar kundër Goliathit, ka pesë “gurë” për t’ju ndihmuar që të përballeni me sfidat në jetë. Ata janë dashuria për Perëndinë, besimi te Jezu Krishti, njohuria se ti je një fëmijë i Perëndisë, pendimi i përditshëm dhe qasja te fuqia e Perëndisë.

Kjo më mëson: