Taman Magnolia ae Kakateke

“Magnolia! Lily!” E wewete Tamau. “Te tai ibukin koroboki aika tabu ao te tataro!”

E bwaka Magnolia iaon te burooa irarikin aia kamea, ae Raindrop. E niiroaia Lily n ana burangketi ae maamaten nanona.

Ana tai te utu ibukin koroboki aika tabu e bon kaunga. N tabetai a uaia ni karaoa te kaotioti iaon taian karaki man koroboki aika tabu. E buoka Magnolia ni katamneia te karaki. N raonaki ma anne, e ibuobuoki n taainako Raindrop ngkana iai maan inanon te karaki!

E kauka ana boki ae tabu Tamau ao e wareka te kibu. Imwiina ao e kabuta te Baibara ae bubura, man tinebu nakon Magnolia. A ikaruoruo ni wareware temanna imwiin temanna.

“Ao kam na i akoakoi imarenami,” e wareware Magnolia.*

E mata nokunoku. N taainako a aki rang akoi aomata nakoina n te taromauri.

“Tinau, Tamau, I kona ni maroroakina te bwai teuana ma ngkami?” e titiraki.

“Eng,” e taku Tinau. “Teraana?”

Ngkoananoa n tain te Moanrinan, tabeman ataei a tuangai bwa a buakaka ara utu ibukina ngkai tiaki kaain te aro Tamau.”

Kaain te aro teuana taman Magnolia. E nako ni kaea bootakin te toa ma ana utu n te Tabati. E anga ana marooro iaon te Tamnei ae Raoiroi n aia tai ni bwabetito Lily ao Magnolia. A taku aomata bwa e rang tamaroa te mwakuri are e karaoia. Bon te karo ae kakateke.

“E karika tangiu te bwai are a taekinna.” E ikerake mai bwairina Magnolia. “Bukin tera ngkai a rangi n aki raoiroi aomata?”

A itaramata Tinau ao Tamaul.

“I kukurei bwa ko kaongoira te bwai ae riki,” e taku Tamana. “Ngai ao tinam ti tangiriira i bon imarenara. Ao a rangi ni kakawaki ara utu iroura.”

E katoutoua atuuna Tinana. “Ao ara utu e rangi ni kakawaki naba iroun Tamara are i Karawa. E tangiriia Natina ni kabane.”

E keerake ni kan bwabwakoaki Raindrop iroun Magnolia. E kurita taningana.

E kinaira Tamara are i Karawa, ao E ataia bwa ti tangiriira imarenara,”e taku Tamau. “Akea te utu ae kororaoi, ma ti kona ni karaoa ara kabanea n tamaroa.”

“Ma e bon kammaraki ngkana a taetae n aki akaaka aomata ibukin ara utu,” e taku Magnolia. Iesu Kristo e reireiniira bwa ti na akoi nakoia aomata ni kabane. Taekinan taeka aika a kammaraki titebo ma ko aki iriira Iesu.”

“Eti ane ko taku,” e taku Tamau. “Tao ngkana ko namakinna bwa iai te bwai ae ko kan taekinna ae buakaka, ko kona n uringnga aekakira am namakin ngkana aki akoi aomata nakoim. N oneanmwiina ao ngkanne ko kona n taekinna ma te akoi.”

E ikeike Magnolia ma te korakora. “ENG.” E kukurei bwa e kona n taetae nakon Tinana ao Tamana.

“E a boo ana tai te utu ni kang sandwich!” Tamau e katika Lily ao Magnolia n rabwatiia ao ni kooniia. Tinau e kooniia naaka teniman aikai ni kabane inanoaan baina. E biribiri Raindrop ni katobibiia aomata.

“I aki kona n ikeike!” e manikangare Lily. E ngare Magnolia.

“Ngkai kauringai—antai ana tai ni wareware?” E titiraki Tamau. E kanakoia ataeinnaine ao e anaa ana boki ae tabu.

“Au tai!” e taku Lily. “Ao ana tai Tamau ni karaoa te tataro.”

Ngke a tia ni wareware, a bane ni katorobubua n tataro. E namakina te rau Magnolia ngkai e ongora n ana tataro Tamana. E ataia ae Tamana are i Karawa e tangiriia ana utu.

Kamataata n te tamnei iroun Constanza Basaluzzo