Visitim Ples we Oli Mekem Vidio blong Buk blong Momon

I no longtaem i pas, mifala i visitim wan long ol ples we oli mekem vidio blong Buk blong Momon. Mifala i gat janis ia blong wajem pat ia we Jisas Kraes i visitim ol pikinini wan afta wan.

Mifala i wajem tu pat ia taem we ol pikinini oli tajem ol han blong man ia we i aktem pat blong Jisas. Hem i toktok long olgeta long wan kaen wei, olsem we bae Jisas i mekem.

Ol pikinini ia oli talem long mifala se, from eksperiens ia, testemoni blong olgeta long Buk blong Momon i gro moa strong. Jisas Hem i go long Ol Man blong Nifae. Hem i blesem ol pikinini. !Stori ia i tru!

Yufala tu, yufala i save kam blong save hemia tu. Stadi Buk blong Momon Wajem ol vidio blong Buk blong Momon. Taem yu mekem, yu save kam moa kolosap long Jisas. Yu yu stap long hat blong Hem. Mo Tabu Spirit bae i helpem yu filim lav mo pis blong Sevya.

Man we i aktem Jisas i kaen mo gat gud fasin.

Praemeri Presidensi i laekem taem oli mitim ol pikinini we oli aktem pat long vidio ia.

Long pat ia, !ol enjel oli pulum olgeta go antap long ea wetem ol waea!

Plante pikinini oli pat blong vidio ia.

Mi filim olsem se mi stap laef insaed long Buk blong Momon.

Emoani W., 11 yia

Hem i helpem mi blong save se Jisas i visitim ol man ia.

Isaac P., 7 yia

Taem Jisas mo ol enjel oli kamkamaot, i mekem mi mi hapi.

Lilly W., 8 yia

!Yu save serem vidio ia wetem evriwan!

Castle W., 9 yia

Bae yu lanem moa abaot Jisas Kraes.

Christina C., 9 yia

I mekem mi tingting, bae i olsem wanem sapos bae mi mitim Jisas.

Rhett M., 4 yia