Karaki man Booki Aika a Tabu
Taian Areru a Reiakina Taekan Iesu Kristo
Taian Areru bon anene aika a tabu. Aomata ake inanon te Baibara a korei taian areru n neboa te Atua. Angiin aia areru a reiakina taekan Iesu Kristo. Aikai tabeua aika a reiakinaki n taian areru man te Baibara.
I tangira te Uea. Bon au bwaa ao korakorau. N na onimakinna. N na neboia.
Te Uea bon au Tia Kawakin Tiibu. E kairai nakon uteute aika a kiriin. E kairai nakon raan aika e rau te aba iai. N na aki maku.
Te Uea bon au ota. N na aki maaku. N na karekea te ninikoria. E na kakorakora nanou.
I tangira Iesu Kristo, ao E tangirai. I kona n neboia ngkana I reiakina ao n anenea taekana.
Korotamnei iroun Apryl Stott