Kōnono im Kōmeļeļe ko: Elder im Sister Kearon im Rūm̧m̧an Ded ro
Nokon eo an Rūm̧m̧an Ded ro Ipeļaakin LaļIn
Sunday, Pāpode 1, 2026
Elder Patrick Kearon: Em̧m̧an bwe jej bar pād ippamiwōj bon̄nin n̄an kōjeram̧m̧an 100 iiō in institute im kōļmenļo̧kjeņ kōn aolep mour ko em̧ōj aer oktak kōn seminary im institute ilo iiō kein. Em̧m̧an ad loe ami delon̄tok joteenin. Im ikkar tin ba bwe ijin elukkun em̧m̧an im kwo̧n ilo wāween eo eļap. Ij kōjatdikdik bwe kom̧ij loe ke ewōr teen̄ki ije laļ n̄an kōļapļo̧k amim en̄jake kwo̧n.
Elukkun em̧m̧an bwe jebar pād ippami, im kom̧ro ej reim̧aanļo̧k wōt n̄an iien in ippāmi im kam̧m̧oolol kom̧ kōn ami kar itok. Kom̧ro meļeļe bwe jet iaami kar ettōr ilo iaļ ko ebooļ wa rej ettōr ie, im ilo kauteej, jekdoon ak kom̧ pād ijin.
Sister Jennifer C. Kearon: Aet, kom̧ro ej kam̧m̧oolol kōn jeparūjrūj in mōņōņō in kom̧ro ej en̄jake ijin bon̄nin, im em̧m̧an am̧ro reiwaj n̄an māj ko m̧ājami ro rej kobatok ippām ilo jotenin. Bōtaab kom̧ro ej bar ļōmņak kōn kom̧ ro im rej koba ippān doon ilo m̧ōn jar ko ak ilo kapijuknen ko ak jabdewōt jikin kom̧ij make iaami ie n̄an alooje joteenin im bareinwōt ilo ami pukōt jemjerā epaak ippān ami Rilomoor. Kom̧ro ej iakwe kom̧ aolep, im kom̧ro ej m̧ōņōņō in pād ippāmi.
Ruo wiik emootlo̧k, ekar wor juon iien n̄an kom̧ro n̄an ioon ruo kurub jon̄an wōt kom̧—im ilo m̧ool jet iaer repād ijin joteenin—im kom̧ro kar jijjet im bwebwenato ippāer. Kōm kar bwebwenato emaron̄ in juon awa jimma ippān kurub kein ruo. Rekar itok kōn jet kajjitōk ko, im kom̧ro kar leļo̧k jet uwaak ko. Rej itok jān ļalem lal ko roktak jān doon: rūm̧m̧an ded ro jān United States, jān Mexico, jān Norway, jān Caribbean island ilo Curacao, im jān Republic of Congo.
Elder Kearon: Kom̧ro ej kiiō kwaļo̧k kajjitōk kein ļalem rekar kajjitōk tok ilo pitio. Im kom̧ro naaj leļok juon uwaak ak ruo n̄an kajjojo iaer. Jen lale pitio eo jinoin
Kile im anjo̧ jān kakōļļe in bōjrak ko ilo iaļ
Rūm̧m̧an Ded: Ta jet kōkeļļe in bōjrak ko ilo ial me reļļap kom̧ij loe bwe bōlen kōj YSA jekar make likūti ilo ial ko ad make im rej kabōjrak kōj jen iakwe eo an Anij ak bōlen n̄an erom ta eo Anij ej kōnaan bwe jen erom?
Elder Kearon: Ne ij ļōm̧ņak kōn kain kakōļļe in bōjrak ko ilo ial ewōr ippen rūm̧m̧an ded ro, ij ļōm̧ņak kōn ļōm̧ņak in me ej einwōt juon teej kar kōm̧m̧ane ejja enwōt ilo waween eo kwōj en̄jake ilo katōk ko am̧—jūōn teej eo me ej pād ilo juōn ial ekōōbōb epen. Ijjab jeļā. Bōtaab ij ļōm̧ņak ej imminene ko me remaron̄ karum̧wijļo̧k ad tōpar ien ko ad ilo mour in im mour indeo.
Inaaj lewaj juōn naan em̧m̧an ippa jen Būreejtōn Henry B. Erying: "Irooj ejjab likūt kōj ilo teej in … n̄an letok ad kūrāāt; Ej kōm̧m̧ane kōnke jerbal in enaaj ukōt kōj."
Jejjab teej einwōt am̧ teej ilo am̧ juōn rijikuuļ, emōj letok ņan kōj ien n̄an eddōkļo̧k im ekatōk. Ejjab kōnke juōn armej ej kejpārok bwōnbwōn ko rem̧m̧an ilo kaat, ak kōnke jej aikujin eddōkļo̧k im kōllapļo̧k im meļāļā im itok n̄an juōn meļāļā eo kōn wōn kōj. Kōn menin ejjab kōn kakōļļe in bōjrak ko ilo ial. Ej lukun kōn ial eo emōj ko̧mmane n̄an kōj, jet ien kōn ien ko reaibuijuij im rem̧m̧an, im jet ien kōn ien ko repen im raetok.
Sister Kearon: Ak kakōļļe in bōjrak ko ilo ial an ebweer-make im mijak? Ak ainikien ko ilo lōm̧ņak ko ad? Emāron̄ bar juōn kakōļļe in bōjrak ilo ial. Ainikien in kabwereer ko. Ainikien ko me rej jiron̄ eok bwe kwe armej waan. Ainikien ko me rej jiron̄ eok bwe koban tōprak. Im elukwin lōn̄ wun ko n̄an menin: Bōlen rekar jab lewaj jerbal eo. Bōlen kom̧ ar jab pāāje teej eo. Bōlen ewor juōn am̧i kōnaan n̄an marre ak kom̧ ejaan̄in de marre. Bōlen emōj ami jeppel. Bōlen kom̧ij eņtaan kōn̄ ejja mennin kaen̄taanan eo wōt, ejja jerawiwi eo wōt, ejja būraablōm̧ eo wōt, me etto an pād ippami. Im̧ ainikien kein rej jiron̄ kom̧, "Ijjab lukwin em̧m̧an, Ibban em̧m̧anļo̧k, Iban tōprak, Im̧ Ijjab māron̄ erom̧ ta eo Anij ej kōnaan bwe in erom." Ij lōm̧ņak bwe ej juōn̄ kakōļļe in bōjrak ilo ial. Im̧ jet ien ij ron̄ ainikien kein ippa make.
Elmān ainikien Rilomoor eo ilo kōlmenlakijen eo ami? Elukun oktak ainiken jen ta ko ij kōnono kaki, ainikien ekajet im kakure im kajook ro jet, ainikien ebweer. Ron̄jake ta eo Rilomoor eo ej ba n̄an kōj ilo Jon jepta 10. Em̧m̧an Ippa mennin.
"Emool, Emool ij ba n̄an kom, eo ejab deļo̧n̄ ilo kōnjām in oror eo an sip, ak ej uwelōn̄ļo̧k ilo bar juōn ial, ej rikoot im rirakimi.
“Ak eo ej deļo̧n̄ ilo kōjām eo e ej seperd eo an sip ko.
" … im sip ko rej ron̄ ainikien: im ej kūr sip ko an kōn etaer, im tōļļo̧k er.
“… Ej ilok im̧aerļo̧k, im sip ko rej ļoor E, bwe rejeļā ainikien.
"Ak juōn ruwamāejet reban ļoore, ak renaaj ko jen e, bwe rejaje ainikien ro ruwamāejet."
Jet ien ewōr ainikien ruwamāejet ilo ļōm̧ņak ko ami, ainikien rikoot, im bareinwōt n̄a. Ainikien eo ejab jelā wōn kom̧, eo ejab kea kake kom̧, im ilo mool, eo ej ļōm̧ņak n̄an kakure kom̧. Jejjab aikuj ron̄jake ainikien kein, ainikien ruwamāejet, ainikien rikoot, ak ron̄jake wōt ainikien Seperd eo Em̧m̧an, eo im̧ ej ienotemjej kakajoor, ienotemjej iakwe, ienotemjej letok kōjatdikdik. Aet, Ej kūr bwe jen em̧m̧anļo̧k. Aet, Ej kūr kōj n̄an ukweļo̧k n̄e ej mennin aikuj. Bōtaab Ainikien ej aolep ien jen juōn wōt armej—jejuōn Rilomoor eo ej iakwe kōj, eo ear kōļļaik wōneen eo āliktata n̄an kōj, im ilo mool, eo emōj lukwōje n̄an kōj kōn bujen. Kōn mennin kwōjkwōj ion naan ko an Kraist, ejab naan ko an ruwamāejet.
Ekwe, jen alooje pitio in.
Jipan̄ Ro rej Ilok
Rūm̧m̧an Ded: Ewōr ien ko ilo mour in reoktak jen doon ij kejpārok kien ko ekar ņan wāween aō en̄jake an Anij kōnaan bwe in kejpāroki, ak ewi wāween am̧ jipan̄ juōn mo̧ttam̧ eo im ej jidik em̧m̧akūtļo̧k jen ien ko an kabun̄ in ak jen en̄jake Jetōb aolep raan? Ewi wāween am̧ jipan̄ er im jab ba n̄an er ke rebōd ilo bar juōn wāween?
Sister Kearon: Epen bwe kōnke kwōjjab kōnaan ekajet. Kwōjab kōnaan oktak tok n̄an ba menin. "Oo, ekwe, wāween aō mour kōn kojpeļ in em̧m̧anlo̧k ak ej wāween eo ejimweļo̧k." Ej aolep ien wōtlaktok n̄an iakwe im ien, ij ļōm̧ņak. Ro m̧o̧ttami rej aikuj aer en̄jake iakwe eo ami im rej aikuj jeļā bwe komij poojak n̄an leļo̧k n̄an er ien ko rej aikuj.
Im̧ bōlen ro m̧ōttami rej pād ilo juōn jekjek eo me rej aikuj kōnono kōn jet men ko rej waļo̧k ilo ļōm̧nak ko aer make ak ilo buruweer. Im̧ komarān̄ leļo̧k n̄an naan eo—juōn naan ealikkar—bwe kwōj juōn aeņōm̧m̧an, kwōj juōn eo me enaaj iakwe er im̧ kauteej er im̧ kea kake er im jipan̄ er jekdoon ta ko rej iooni. Komāron̄ jab errā ippāer, komāron̄ jab kālet ta ko rej kāleti, ak ej lukun kōm̧m̧an juōn oktak n̄an ro m̧ōttad me rej en̄taan n̄e ej wōr juōn jikin aeņōm̧m̧an n̄an jok ie im̧ n̄e ej wōr juōn armej rej en̄jake bwe rej kea kake er.
Ejipan̄, Ij lōm̧ņak, n̄an kōnono kōn ien ko, emāron̄, ekar kajoorļo̧k aer en̄jake jetōb jen kiō ak ien ko rej mour kōn kojpel in eļaplo̧k aer kar tōmak jen kiō. Im̧ n̄an kōnnaan ippāer kōn eowi wāween mour ko aer tōre ko im ta oktak ko rej loi.
Im̧ lukun mool, boro n̄an boro, bwebwenato an jetōb-n̄an-jetōb im kwōjab leļo̧k n̄an er naan in bwe, "O, ekwe, kwōjab ba ta eo ij kōtmāne bwe kwōn ba ak kwōjab letok n̄an n̄a uaak eo ij kōņaan ron̄ im kōn mennin ij kajemļo̧k arro bwebwenato. Ij ļōm̧ņak bwe elukun aurōk mennin.
Ej juōn ej juōn katōk eo aurōk n̄an aolep jemjerā ko ad Ej juōn katōk eo aūrōk ilo ad kakajiriik Ej juōn katōk eo eaurōk, ilo am jelā, n̄e jej kōnaan ippen ro jej iakwe er ilo jabdewōt ien.
Elder Kearon: Aet. Im̧ Ij lōm̧ņak, jekdoon ia ko rej pād ie rej—Carl ear kōnnaan kōn ro m̧o̧ttam me rej bōlen jino jeppelo̧k—jekdoon ia eo rej pād ie, jej aikuj kajeon̄ im jipān̄ er pād wōt ilo aer kobataok ilo—jej kōnaan kōn makūtkūt ko an kabūn̄ in. Kem kar kōnaan kōn kajoor ilo Kabun̄ in. Ej jet naan ko rekabwilōn̄lōn̄ n̄an juōn rioktak n̄e rej ron̄ naan kein. Bōtaab Ij ļōm̧ņak bwe jej kōņaan kōm̧m̧an jabdewōt jej maron̄ n̄an ko̧m̧m̧an bwe ren kobatok wōt, bwe ren kajoor wōt, n̄an jipan̄ er n̄an jipan̄ ro jet. Eļan̄e ewōr aer kūr, n̄an uaak n̄an kūr in im bōk konaer ie. Nan katakin, n̄an kwalo̧k, im̧ n̄an lale ro jet rej en̄taan. Ij lōm̧ņak bwe elukun jejjōt bwe Bok in Mormon ej jino ippen Liai im̧ baam̧le eo an—ippen Nipai etal im Kōm̧m̧an—im kōj jej armej rej etal im̧ kōm̧m̧an. Im̧ lōm̧ņak bwe ewōr juōn kajoor ilo mennin. Ej kōm̧m̧an bwe tōm̧ak eo ad en mour wōt. Im̧ n̄e tōmak eo ad ej jeppeļo̧k jidik, emāron̄ bar karooltok kōj. Em̧m̧an Ippa ta eo President Momson ear ba kōn Rilomoor. Ear ba bwe Rilomoor eo ej jutak ien otemjej im kōm̧m̧an jerbal. Ij lōm̧ņak bwe jemāron̄ ļoore jemānāe in.
Jen lale pitio in tok juōn.
En̄jake Aeņōm̧m̧an jekdoon ien Inepata
Rūm̧m̧an Ded: Na—einwōt juōn armej eo ej inepata, jet ien ej pen n̄an iō n̄an m̧ōņōņō n̄e Ij inepata aolep ien. Im̧ Ij kōņaan jeļā elan̄e ewōr amiro meļāļā kōn ewi wāween eo n̄an en̄jake aeņōm̧m̧an ippen Rilomoor bwe lan̄lōn̄ en itok eļapļo̧k.
Elder Kearon: Ej juōn kajitōk em̧m̧an bwe kōj aolep jej mijak im inepata jet ien. Jet iaad eļapļo̧k ad eddo kōn men kein jen ro jet. Jet iaad ej aikuj jipan̄ ilo ad eddo kōn miak im inepata ko ad. Ñan jet iaad
Ñe kwōnaaj lale ilo jeje ko, jen aō māron̄ ba, armej eo me ej kōnono kōn inepata im "inepata eo aō eļap" elapļo̧k jen jabdewōt armej ej Jekab. Im̧ ekabwilōn̄lōn̄, kōnke inepata eo an elukun oktak jen inepata eo aō make, ilo jabdewōt wāween kauteej. Inepata eo an ej oktak n̄an itulik. An inepata ej kōn armej ro an im aer mour. Inepata eo aō aolep ien ej kōn n̄a im̧ wāween aō mour im̧ Ikkar ke kōm̧m̧an bōd ilo men iō im̧ kain rōt in. Juōn men Ikkar ekatōk im̧ bar ekatōk—aikuj wōnm̧aanļo̧k im katōk im̧ bar ekatōk—ej bwe n̄e ij ļōm̧ņak kōn bar juōn armej, aō inepata ej dikļo̧k. Ij aikuj wōt ļōm̧ņak kōn mour an bar juōn armej, im inepata eo aō ej jino diklok. Ilo mool, ejako. Jet ien, ej kaju jako. Im̧ eļan̄e Ij kōm̧m̧an juōn men em̧m̧an n̄an juōn armej, ewōr juōn kajoor eļap ilo mennin. Ikōņaan bwe in einwōt Jekab im̧ kōm̧m̧an bwe inepata eo aō en n̄an itulik wōt. Im̧ Ijeļā bwe ewōr men eļap—Ijeļā bwe ewōr juōn kōmour eļap.
Sister Kearon: Ij ļōm̧ņak bwe—ij ļōm̧ņak bwe jej pād ilo iiō kein me emwōj ad kiō imminene in en̄naje buromōj ak metak im jej kōņaan bwe ren jako. Jej baj imminene in m̧ōņōņō mōkaj. Lōm̧ņak n̄e Ij jutak ilo jikin tutu im den eo em̧oļo jidik, kōn mennin ikkar jibwe knob eo im in̄ūti n̄an anmiin̄ jidik, im̧ emāānen, kwōjeļā. Ak jabdewōt. Im jej baj iminene in kwōņ wōt. Jej kōņaan kwōņ. Armej rej kōņaan kwōņ—jejab kōņaan apan̄.
Ñe jej inepata kōn ilju jakļaj bwe kōnke ejab alikar im̧ ejeļā kake, im̧ emool mennin. Im̧ Ij ļōm̧ņak bwe jej aikuj bōk mennin bwe enwōt ke kōj armej, Komāron̄ bar wōr wōt jilu wōt raan ak jilu wōt week ak bareinwōt jilu wōt allōn̄ ejab em̧m̧an am pād ak kwōj buromoj jidik. Jej aikuj mōņōņō im buromōj. Jej aikuj lan̄lōn̄ im inepata. Im̧ ien kein, im̧ eņjake kein, rej kōm̧m̧an bwe mour in en kam̧ōņōņō im̧ em̧m̧an.
Elder Kearon: Ikōņaan kakobaba kōn juōn wanjon̄ok jen Jekab. Ikkar kōnaan kōn Jekab, im̧ Jekab 4iloeoon 2 n̄an 4, jemāron̄ riit.
"A kōm maron̄ jeje jet naan ioon pileij ko, ko kōm naaj liļo̧k n̄an ro nejim, im barāinwōt ro jatūm̧ im jeiūm̧ rejitōnbōro, jidik tiikri in jeļā kōn kōm, ak kōn ro jemāer—
"Kiiō ilo men in kōmij m̧ōņōņō; im kōmij niknik jerbal n̄an m̧wijiti naan kein ioon pileij ko, kōjatdikdik bwe ro jeiūm̧ im jatūm̧ rejitōnbōro im ro nejim renaaj būki kōn būruōn kam̧m̧oolol, im reilo̧k n̄ani bwe ren maron̄ katak kōn lan̄lōn̄ im jab kōn būrom̧ōj, im jab kōn kōrraat, kōn ro jemāer im jineer m̧oktata. …
“Bwe, bwe kōn ļōmņak in kōm ar jeje men kein, bwe ren maron̄ jeļā bwe kōm kar jeļā kōn Kraist, im eaar wōr am kōjatdikdik kōn aiboojoj eo an elōn̄ bukwi iiō ko m̧okta jān itok eo an."
Men eo elukun em̧m̧an Ippa ilo mennin ej bwe, bar juōn alen, Jekab ej ļōm̧ņak kōn jet armej ro jet. Kiō, ej aolep ien ļōm̧ņak kōn armej ro ipelaakin, im̧ ej lōm̧ņak kōn armej ro ilo epepen ko tok elik. Ear bōk n̄an jon̄anin. Ta eo mennin ear kōm̧m̧an n̄an e? Ekwe, mennin ear bōk jen e make, ear leļo̧k n̄an e lan̄lōņ eļap, im̧ ear boktok n̄an epepen ko—lal tak n̄an rainin—Lan̄lōn̄ eļap n̄an kōn e.
Sister Kearon: Ij ļōm̧ņak bwe juōn men wūnin inepata n̄an elōn̄ iaad ej bwe n̄e jej lale ļo̧k lalin im jej lo ejeļļo̧k kakkije, jej lo ta ko rej waļo̧k ilo nuuj aolepen lalin, im̧ ej kōm̧m̧an inepata. Im̧ rūbboro, jet iaad rej mour ilo im jen ien rōt kein ejeļļo̧k kakkije im edik jim̧we Im̧ etke mennin ej kōm̧m̧an bwe en wōr inepata ipped? Kōn ke kar jab kōm̧m̧ane jetōb kein ad n̄an jum̧ae. Jisōs ej katakin ilo alikar bwe "jetōb in jumae ejab jen [E]." Kar kōm̧m̧ane jetōb kein ad n̄an jouj im̧ ineem̧m̧an im̧ iakwe im jolo̧k bwōd im̧ aeņōm̧m̧an. Im n̄e jej lo an armej en̄taan im̧ pād ilo men ko rejab jim̧we ipelaakid, im̧ elukun pen n̄an jetōb kein ad. Jejab kōņaan loe mennin.
Kiō, ta eo Rilomoor eo enkar ba n̄an uaak. Jejeļā bwe E ear ba, "Ilo lalin," aet, "enaaj wōr am en̄taan." Enaaj wōr ejeļļo̧k kakijje im̧ jab jim̧we. Enaaj wōr tarinae, im̧ enaaj wōr kakure. Bōtaab ijellokwin men kein, Jisōs ear ba, "Aeņōm̧m̧an wōt." Etke? Bwe "Iaar anjo ion lalin." Jej aikuj kōm̧m̧an bwe jen jenolo̧k jen nuuj ko imejatoto bwe jen ekkeitaak wōt ippen ad Rilomoor im̧ epaaklo̧k n̄an aeņōm̧m̧an eo An me ej itok kōnke E ear anjo ion lalin im̧ kōļļaik kadede wōneen aolep men ko rejab jim̧m̧we im jab wānōk jej loi ipelaakid. Bōk eddo ko am̧ im̧ inepata ko am̧ jen eok im̧ leļo̧k n̄an E. E ej kajoor n̄an ineeki.
Jen alooje pitio in tok juōn.
Pukwōt lalōn̄ n̄e ejab alikar.
Rūm̧m̧an Ded: Ekōjkan am̧ loe lalōn̄ enwōt juōn rūm̧m̧an ded ilo am̧ jab lukun jeļā kōn ta eo enej walo̧k ņan eok ilju jaklaj?
Sister Kearon Uaak eo n̄an mennin ej pen ilo—wōt jon̄an wōt am māron̄—tōm̧ak im̧ lōke Jisōs Kraist im̧ ilo būruōn iakwe eo an Eļap. Ewōr ippen ilju eo eaibuijuij n̄an kwe—n̄an kajojo iaad. Jon̄an wōt ad lōke mennin, Jon̄an wōt ad māron̄ kōtļo̧k kōj make n̄an wūjlep im̧ wōtlo̧k ioon pā ko pein im̧ mour ekkar n̄an māron̄ eo An im̧ jon̄an eo jemāron̄ tōm̧ak ilo men ko rem̧m̧an rej itok. Ij lōm̧ņak bwe mennin ej jipan̄ kōj loe mōņōņō. Ej letok n̄an kōj juōn eņjake kajoor epen im̧ aeņōm̧m̧an ilo būruōd—peran im̧aan Irooj. Jej lan̄lōn̄ n̄e jej kōļļapļok tōm̧ak im̧ lōke ilo Kraist im̧ Karōk eo An n̄an kōj. En̄jake eo aō in. Im̧ n̄e men ko repen rej itok im̧aan, aolep ien renaaj, jejab aikuj bwillōn̄, jejab aikuj etal jen ial eo. Jemāron̄ ukōt aolepen būruōd n̄an E im̧ kajjitōk Ippen, "Ekwe, ilo jekjek in, ta eo Kwōj kōņaan bwe in ekatōk jene? Ta eo ij aikujin kōm̧m̧ane kiō?" kōn juōn peran ejim̧we Enaaj tel eok m̧aanļo̧k.
Elder Kearon: Em̧m̧an Ippa mennin bareinwōt. Jet ien ilo ad inepata kōn ilju, emāron̄ jipan̄ n̄e jej bar reiliklo̧k. Im mour eo am̧ eobrak kōn ien ko rem̧m̧an im̧ ien ko renana reoktak jen doon. Ij ron̄ an armej ba, "Jeban jeļā jon̄an uteej in ad kar tallōn̄ mae ien jej reilaltak jen ion tōļ." Ej juōn pijja em̧m̧an n̄an kōmeleleik n̄an eō. Aet, tōļ ko jej aikuj in tallōn̄i rekaamijak, bōtaab n̄e jej reiliklo̧k im ba, "Wow, aetok kar ial eo lōn̄tak." mennin emāron̄ letok juōn peran n̄an ilju eo.
Sister Kearon: Ej lukun kōj n̄an kememej bwe Sister "Anij {Ejab} ear jab letok n̄an kōj jetōb in leln̄oņ, a jetōb in kajoor im̧ Iakwe im̧ kajim̧we." Komij pād ilo juōn tōre ilo mour in me ewōr kelet ko n̄an kōm̧m̧ani im̧aami—elōn̄ ial ko ruo n̄an kelet juōn iaer n̄an bōke ilo ial in—im̧ ejab alikar. Ejab alikar, bōtaab ej jipan̄ kakememej bwe kom, kajojo iaami, emwōj kar kapiti. Mokta jen ami kar itok n̄an lalin, ilo ami kar mour ippen baamle eo ami ilan̄, kar kapiti kom̧ n̄an wūn ko im jerbal ko rejenolo̧k, im̧ kar kapiti kom n̄an bōk jeram̧an, kapit n̄an kōtōbar ko reļļap, n̄an jipan̄ Irooj ilo jerbal in An elap. Ke Jioba ej kōnono ippen Mojej, Ej ba n̄an Mojej, "Ewōr juōn jerbal n̄an eok, … nejū." Im̧ mennin wōt ej m̧ool n̄an kajojo iaad. Ewōr juōn An jerbal elap n̄an kom̧ im̧ n̄an n̄a, im̧ emōj kapit ko̧j n̄an kōtōpar ko reļļap.
Elder Kearon: Ej juōn men n̄an lōm̧ņak kake. Ij lōm̧ņak bwe juōn iaan naan ko amro rainin ej bwe eļap ad jolok ien lo̧m̧ņak kōn menin eļap. Bwe bōlen n̄an jet ro me rekar rūttoļo̧k kōn jelā in bwe ekapit n̄an tōprak ko reļļap ej juōn men ej pād ijjo. Ak emōj an ke jako aurōk eo an bwe ej aolep ien baat in mejatoto al in ad mour? Ak ej juōn men em̧ool.
Ilo meļāļā ekadu, "Ilo am̧ro kar kapopo n̄an marre, juōn armej em̧āletlet ilo kom̧ro jelā kajeen—ilo ienin me kom̧ro ej pukwōt lanļōņ n̄an ilju eo kom̧ro ejjab jeļā kake—ear ba n̄an kom̧ro, "Lan̄lōn̄ ej itok ilo juōn jibuun eo ebool lōn̄lōņ kobban." Ilo m̧ool, ear ba, "tijibuun." Im̧ mennin ej juo̧n pijja eo aibuijuij eļakar pād wōt ippāmro. Meļāļā eo an, kom̧ jeļā, lan̄lōn̄ ej juōn men aibuijuij. Lan̄lōn̄ ej jidikin nemān juōn men Lanlōn̄ ej juōn ien ippen juōn mōttad. Ak jabdewōt men. Bōtaab lan̄lōņ ej itok ilo juōn jibuun ebool lōn̄lōn̄ kobban, Mennin ej kein kajuōn.
Im̧ men eo juōn ij kōņaan bar kōnono kake ej bwe pukwōt lan̄lōn̄ ebōk ien n̄an ekatōk. Aolepen men kein rebōk ien n̄an katōk, rebōk ien n̄an jerbal im̧ kajeon̄ ņan tōprak. Im̧ Ij karuwaineneik kom—kom̧ro ej karuwaineneik kom̧ n̄an jolok juōn awa ilo juōn wiik n̄an bōk ami ien pukwōt lan̄lōņ: ilo awa in kwōjkwōj eo ilo Jabōt, Jen kōm̧m̧an bwe en juōn ien eo ekam̧m̧ōņōņō ilo wiik jemāron̄ en̄jake. Innām jemāron̄ kōjatdikdik bwe lan̄lōņ in enaaj wōnm̧aanļok wōt jen ien en. Ak pijaikļo̧k n̄e jen kar jab kōm̧m̧an bwe awa en juōn ekam̧m̧ōņōņō ilo wiik. Ej juōn men elap jen kar luuji. Im̧ kōn menin karuwainene eo in n̄an kom̧ ej n̄an kōm̧m̧an bwe awa in kwōjkwōj eo en aibuijuij, im̧ lan̄lōn̄ em̧m̧an. Im̧ Aet, enaaj wōr denin būrom̧ōj ilo am̧i lōm̧ņak kōn menin letokin pinmuur eo eļap an Rilomoor eo, bōtaab ej aikuj wōr lan̄lōn̄ ilo ami lōm̧ņak kōn An duōj jen lōb eo im̧ aolep meļāļā ko an ien eo im̧ aolep men ko ear bōk jen kom̧ kōn en̄taan.
Ekwe, Ij lōm̧ņak bwe m̧ōttan n̄uōņ wōt pitio.
Meļāļā im̧ Bōk Pinmuur eo an Jisōs Kraist.
Rūm̧m̧an Ded: Ewi wāween bwe jen meļāļālo̧k kōn Pinmuur eo? Ewi wāween bwe jen bōk Pinmuur eo n̄an mour kein ad?
Elder Kearon: Ikkar kobatok n̄an kabun̄ ke ear 26 aō iiō. Ij ļōm̧ņak kōn ien eo im jon̄an an kar pen n̄an n̄a n̄an meļāļā kōn Pinmmur eo ilo tōre eo. Ikkar lukun bwillōn̄ im̧ ikkar jab tōm̧ak. Im̧ kiō, ilo aō ļōm̧ņak kōn ien eo, Ij ļōm̧ņak kōn karōk eo: Jemed Ilan̄, juōn Jemed eo Ilan̄ ewōr Iakwe Ippen, eo ej kaurōk kōj, ro Nejin. Im̧ wunnin ad itok n̄an ijin—n̄an ekatōk, n̄an eddōkļo̧k, n̄an jerbal, Im̧ kwaļo̧k tōm̧ak. Im̧ pinmuur eo.
E ear jeļā bwe jenaaj kar kōm̧m̧an bōd, kōn mennin Ear jilkintok Nejin eo eaurōk n̄an— Kwōjjeļā, "Kwōj Reilo̧k im̧ kwōj jan̄: kwōj ļōm̧ņak im̧ kwōj jan̄"—n̄an bōk jerawiwi ko ad ion E. Ekōjkan? Ekwe, Enaaj kōmelālā juōn raan, bōtaab jejelā ke Ear kōm̧m̧ane. Im̧ kiō n̄e Ij ļōm̧ņak kōn Pinmuur eo einwōt in, Ij ļōm̧ņak kōn kōtōpar eo an karōk in m̧ōņōņō eo an Jemed Ilan̄ n̄an kom̧ im̧ n̄an n̄a. Innām ippenlo̧k naan kein, Ijino meļāļā. Bōtaab Ij lōm̧ņak ejjeļo̧k iaad ewōr an lukun jim̧we in meļāļā kōn Pinmuur eo ijin.
Bōtaab n̄e jej meļāļā bwe karōk eo im̧ Pinmuur eo remāron̄ jipan̄ kōj ilo aolep en̄taan, jabdewōt mālejjon̄, meļāļā aenōm̧m̧an, meļāļā iakwe im lan̄lōn̄, bareinwōt jerbal bōd ko im̧ jerawiwi ko an ro jet, ekwe, n̄a e lo̧k ilo ial e aō. Im ālikin aō jan̄, ej itok juōn lan̄lōn̄ eļap. Ak lukun kamolol eo in eļap ej bwe Ear bōki aolepeer jen eō. Im̧ ej juōn kile eo eaibuijuij ālikin būromōj, ālikin en̄taan, ālikin metak—lalōn̄ eo. Im̧ bar juōn alen, eļe jen meļāļā e aō. Ak epād ijo, im̧ em̧ool, im̧ elukun aibuijuij. Im̧ Ij en̄jake kiō.
Sister Kearon: Jabdewōt ien emōj letok n̄an n̄a kajoor eo n̄an kijenmej jidik jen aō nej kar jab n̄e jab, ak jidik jeļā kōmaanwa jen aō nej lar jab n̄e jab ak kōm̧m̧an kelet em̧m̧anlo̧k—aolep ien emōj letok n̄an eō kajoor ak tel ak iuun jidik ijin ak ijjōn bwe en em̧m̧anlo̧k jidik—mennin n̄an n̄a ej maron̄ eo im kajoor eo an Jisōs Krais eo im̧ ej ibeebtok ilo kōn en̄taanin pinmuur eo An. Bwe ewōr ippen, Kwōjelā, jim̧we ko an tiriam̧o. Emōj kar leļo̧k n̄an E jim̧we ko an tiriam̧o im̧ kajoor eo jen Jemed n̄an letok n̄an kōj māron̄ eo An im̧ kajoor eo An kōn ereo an mool eo bwe Ear en̄taan kōn kwe im̧ n̄a ilo jikin kallib eo im ion debwāāl eo. Im̧ kōnke ear māron̄ kōm̧m̧ane mennin im̧ kōnke Ear ļoore n̄an jem̧ļo̧kin, ewōr ippen E jim̧we eo im̧ ewōr ippen E kajoor eo n̄an lewaj n̄an kom̧ māron̄ eo An im̧ lewaj n̄an kom̧ iakwe eo An im̧ lewaj n̄an kom̧ An kōjatdikdik.
Sister Kearon: Ilo Mojej, jej riit bwe kōm̧m̧an ko an Anij ejab m̧āron̄ bwinni. Ejeļļo̧k wāween jemāroņ kōm̧m̧ane n̄an bwinni. Ak lo Ej ba iloMoses 1, "Rej jab maron̄ bōnbōn n̄an armej; a rej bōbōn n̄aneō, bwe rej aō." Joteenin kom̧ijn juōn ilo millien, bōtaab ilo lalin, kom̧ij juōn ilo ralitōk pillien, ak n̄an Anij emōj bwinni kom̧. E ejelā kajeemi. Ejelā kajeemi im̧ Ej iakwe kom̧, im̧ Ejelā aolep men mour ko ami. Ejelā kajeemi ko̧n et, im̧ Enaaj "likūt ruwatimjuōnn̄oul ruwatimjuōn ko" n̄an etal im̧ pukwōt juōn eo. Elan̄e juōn eo ej kom̧, elan̄e juōn eo ej juōn armej eo kom̧ij iakwe, 99 bōjjen ejabwe n̄an rilomoor eo. Ej kōņaan aolep kajojo, im̧ jerbal eo An eban dedelo̧k mae ien aolep rekoba ippendoon ilo jokane.
Elder Kearon: Im̧ elan̄e jej meļāļa kōn bar juōn men aurōk kōn Pinmuur eo an Rilomoor, emāron̄ menin jen 2 Nipai jepta 9: "Kōn menin, eaikuj bwe en pinmuur eo ejjelo̧k jem̧lo̧kin —n̄e ejjab juōn pinmuur eo ejjelo̧k jem̧ļo̧kin wabanban in eban maron̄ kōņak jab wabanban." Ij kamolol kōn pinmuur eo ejjeļo̧k jem̧ļo̧kin an Jisōs Kraist im bwe jemaron̄ koba ippendoon aolep joteenin kōn tōm̧ak, kajoor, im̧ meļāļā eo ej itok jene.
Kiō ewōr juōn enaan—ewōr juōn enaan n̄an kom̧ jen Būreejtōn Dallin H. Oaks. Im̧ ekadu. Juōn minit im jimattan aetokin. Ak ilo ami ron̄jake, jouj im ron̄jake kallimur eo ej lewaj n̄an kom̧.
Būreejtōn Dallin H. Oaks: Ro m̧ōtta rejitōnboro, juōn iaan ien ko rem̧antata n̄an ekatōk, ippendoon, im kotak ro jet ej ilo institute.
Jej mour ilo raan ko ewōr ainikien im̧ poktak ko. Ilo bar juōn wāween, ilo institute kom̧ naaj ekatōk n̄an jelā m̧ool jen bōd, kalōke jemjerā eo ami ippen Jemed Ilan̄ im̧ Nejin, Jisōs Kraist, lo tel im̧ lo uaak ko n̄an kajjitōk ko reļap an mourin, ioon ro jet n̄an jjipan̄ eok ilo ialin bujen eo, ioon armej ro kom̧ maron̄ kelet er n̄an jerā im̧ marre, im̧ pojak n̄an iakwe im̧ tel einwōt Rilomoor eo.
Rūm̧m̧an ded ro rejitōnboro, Ij jiron̄ kom̧ n̄an kobalo̧k ilo institute aolep ien. Ij rōjan̄ kom̧ n̄an kūr ro mōttami n̄an jeere ejja kōjeram̧m̧an kein. Ij Kallimur bwe ien ko ami ilo institute renaaj boktok aeņōm̧m̧an, lan̄lōņ, im̧ Iakwe eo ekwōjarjar an Rilomoor eo. Ilo etan Jisōs Kraist, amen.