Faenemaot Tabu Plan We God I Gat blong Famli blong Mi: Sandra Singer

Presiden Dallin H. Oaks i bin talem, “Hem i impoten long ol Lata-dei Sent blong oli no lusum andastaning blong olgeta long stamba tingting blong mared mo valiu blong ol pikinini. Hemia i fiuja we yumi stap traehad from.”

I gat wan taem we mifala i bin muv i go longwe long ol famli blong mifala, mo mifala i stap long wan defren kantri. Long taem ia nao afta we mi stat blong luk olsem wanem famli i impoten. Mifala i bin gat mifala nomo, be mifala i faenemaot se mifala i gat bigfala famli tu long eniples we mifala i stap long hem from se, oltaem mifala i gat wan wod o wan branj o stek o wan distrik blong ol memba we oli gat semmak gol mo semmak bilif. Ol memba blong Jos ia raon long ful wol.

900,000 long las tri yia we oli bin joenem Jos ia, maet bae oli filim olsem se, “?Hao nao bae mi gat wan kaen famli olsem ia we yumi tokbaot long Jos Ia blong Jisas Kraes?” Be mi stap ia blong talem long evri sista raon long wol, hem i from Jisas Kraes. Hem i from Jos ia, Jos Ia blong Jisas Kraes blong Ol Lata-dei Sent—tru ol kavenan we yumi mekem—blong yumi evriwan i gat janis blong gat wan famli. Kaen famli ia we yu stap drim blong gat. Kaen famli ia we oli wok tugeta, helpem mo lavem olgeta wanwan. Mi talem witnes blong mi se, hemia i posibol, se yumi save gat glad, glad ia blong wan famli. Mi save hemia i tru mo mi save se, i tru blong yufala tu.