Ang mga Gikinahanglan nga Kredito sa Seminary Makapalawom sa Pagkakabig sa mga Estudyante ngadto ni Jesukristo
“Ang tanan natong buhaton kinahanglang makapalawom sa atong pagkakabig ngadto ni Jesukristo ug sa Iyang gipahiuli nga ebanghelyo tungod kay Siya mao ang tubag sa mga hagit ug mga pangutana sa [mga estudyante]” (Chad H Webb, “Mga Mensahero sa mga Maayong Balita”).
Ang tanang butang nga atong buhaton sa Seminary gituyo aron matuman ang “Tumong sa Seminaries and Institutes”. Kini naglakip sa mga gikinahanglan nga kredito sa seminary. Aron makadawat og kredito alang sa seminary, ang mga estudyante kinahanglan mobasa sa gipili nga mga tudling sa kasulatan, moapil sa mga pagsukod sa nakat-onan, ug mopadayon sa makunanayon nga pagtambong sa seminary.
Agi og dugang, ang mga magtutudlo moawhag sa mga estudyante sa paghimo ug pag-monitor sa personal nga mga tumong sa pagtuon sa kasulatan. Mga ehemplo sa personal nga mga tumong mahimong maglakip sa pagbasa sa gisangon nga mga kapitulo sa Dali, Sunod Kanako ug mga tudling sa Basahon ni Mormon. Tungod sa personal nga matang niini nga mga tumong, ang mga estudyante dili mo-report niini ngadto sa magtutudlo (ug kini dili subayon sa WISE). Ang mga estudyante mahimong mopili sa pagsubay sa ilang mga tumong diha sa mySeminary alang sa ilang kaayohan.
“Kini … magkinahanglan og dugang nga personal, indibidwal nga pagtagad gikan sa mga magtutudlo. Kini makadugang og palas-anon, apan kini usa ka palas-anon nga angay nga ikahimuot sa mga magtutudlo tungod ang ilang personal nga pagpangalagad ingon ka importante sa ilang instruksiyon sa lawak klasehanan. Kon mahimo kini ni bisan kinsa, ang inyong mga magtutudlo makahimo. Talagsaon sila” (Presidente Henry B. Eyring gikutlo ni Chad H Webb, “Mga Mensahero sa mga Maayong Balita”).
Mga Gikinahanglan nga Basahonon
Ang bag-ong Mga Tudling sa Kasulatan sa Seminary naglakip sa gibanabana nga 60 ka pahina gikan sa basahon sa kasulatan alang sa kurso (30 ka pahina kada tradisyonal nga termino/semester). Kini nga mga pahina mainampingon nga pinili tungod sa giladmon sa doktrina niini ug sa kabuhong. Agi og dugang, ang mga tudling sa kasulatan kinahanglan mao ang sumbanan alang sa pagbuhat sa kulang nga buluhaton alang sa gikinahanglan nga wala mabasa kaniadto.
Pagrekord sa pagbasa diha sa WISE
- Ang mga magtutudlo momarka sa mga pagbasa nga kompleto sa WISE alang sa matag estudyante.
Mga Pagsukod sa Nakat-onan
Sa 2025 ang mga estudyante kinahanglang moapil labing minos sa usa ka leksiyon sa Pagsukod sa Imong Nakat-onan atol sa matag katunga sa kurso aron makadawat og kredito alang sa gradwasyon sa seminary.
Pagrekord sa Mga Pagsukod diha sa WISE
- Ang mga magtutudlo morekord og kredito sa WISE alang sa mga estudyante nga miapil sa labing minos usa ka leksiyon sa Pagsukod sa Imong Nakat-onan atol sa matag katunga sa kurso.
Mga Pagsukod sa Nakat-onan diha sa Online ug Home-Study
Ang online ug home-study nga mga buluhaton kinahanglan nga kompletohon ug isumiter sumala sa mosunod:
- Online nga mga Estudyante: Mokompleto og pagsukod ug isumiter kini pinaagi sa Canvas.
- Home-Study nga mga Estudyante: Mokompleto sa pagsukod ug isumiter kini sumala sa gidirekta sa magtutudlo sa home-study.
Pagbuhat og mga akomodasyon alag sa mga Estudyante nga may mga Kakulangan
Ang katuyoan sa mga akomodasyon sa pagsukod mao ang pagtabang sa mga estudyante nga dunay piho nga mga panginahanglan, mga kakulangan, o mga kahimtang nga may kalabotan panglawas nga makasalmot sa pagsukod nga patas susama ngadto sa ubang mga estudyante. Ang mga magtutudlo kinahanglan nga mohimo og tukma nga mga akomodasyon aron matubag ang piho nga mga panginahanglan, mga kakulangan, o mga problema sa panglawas sa ilang mga estudyante. Pagkat-on pa og dugang.
Mga Estudyante nga Naghangyo og Pagbuhat sa Kulang nga mga Pagsukod
Alang sa mga estudyante nga naghangyo og pagbuhat sa kulang nga mga pagsukod alang sa 2025, ang mga magtutudlo makahatag kanila sa tukmang leksiyon sa Pagsukod sa Imong Nakat-onan nga makita diha sa apendiks sa manwal sa magtutudlo sa seminary. Ang “Pagsukod sa Imong Nakat-onan, Bahin 1” mahimong ihatag sa mga estudyante aron sa pagbuhat sa kulang nga pagsukod alang sa unang katunga nga bahin sa kurso. Ang “Pagsukod sa Imong Nakat-onan, Bahin 2” mahimong ihatag sa mga estudyante aron sa pagbuhat sa kulang nga pagsukod alang sa ikaduhang katunga nga bahin sa kurso.
Alang sa mga estudyante nga naghangyo og pagbuhat sa kulang nga mga pagsukod alang sa miaging mga tuig, ang mga magtutudlo mahimong mopakigbahin sa mga materyal sa Pagsukod sa Nakat-onan nga gipakita sa ubos. Ang pagbuhat sa kulang nga pagsukod mahimong himoon sa ilang mga kaugalingon o kuyog sa uban. Ang kredito ihatag kon ang pagsukod gibalik ngadto sa magtutudlo.
Basahon ni Mormon (2024)
- Doktrinal nga Kahanas sa Basahon ni Mormon: Pagsukod 1
- Doktrinal nga Kahanas sa Basahon ni Mormon: Pagsukod 2
Bag-ong Tugon (2023)
Daang Tugon (2022)
- Genesis—Ruth nga Giya sa Pagtuon ug Pagsukod sa Nakat-onan
- 1 Samuel—Malaquias nga Giya sa Pagtuon ug Pagsukod sa Pagkat-on
Nanambong [Attendance]
Ang mga estudyante nga adunay labing menos 75 porsiyento nga pagtambong sa personal o pag-apil sa online makadawat og kredito. Ang pagtambong sa seminary mopanalangin sa mga estudyante sa ilang mga paningkamot nga mahimong tibuok kinabuhi nga mga disipulo ni Jesukristo.