Paghimo og mga Akomodasyon alang sa mga Estudyante nga may mga Kakulangan o Ubang mga Hagit sa Kinabuhi

Kadaghanan sa mga klase sa seminary ug institute gilangkoban sa mga estudyante nga adunay nagkadaiyang kakulangan ug uban pang mental, pisikal, o mga hagit sa kinabuhi. Pipila sa mga estudyante magkinahanglan og mga akomodasyon sa pagtabang kanila nga makaapil, makakat-on, ug makakab-ot sa mga kinahanglanon sa gradwasyon sa seminary.

Ang paghatag og mga pag-atiman ngadto sa mga estudyante nga adunay mga kakulangan o ubang mga hagit sa kinabuhi makatabang kanila sa pag-access ug pagkab-ot sa sama nga mga resulta sa pagkat-on isip mga estudyante nga wala niini nga mga hagit. Ang pagkahibalo kon unsaon ang labing maayo nga pag-atiman bahin sa pagkat-on sa estudyante magsugod sa pagkaila sa mga magtutudlo ngadto sa ilang mga estudyante, “Mas mailhan ninyo og maayo ang usa ka tawo, mas maayo ang inyong pagtabang kaniya sa pagkaplag og personal nga kahulogan ug gahom diha sa ebanghelyo ni Jesukristo” (Higugmaa Kadtong Inyong Tudloan, Pagtudlo Sumala sa Pamaagi sa Manluluwas).

Ang mga magtutudlo kinahanglang mokonsiderar sa mosunod nga mga sumbanan kon maghimo og mga akomodasyon alang sa mga estudyante:

Ilha ang mga Panginahanglan sa Estudyante

Isip mga magtutudlo ikonsiderar ang pagkat-on ug ang mga panginahanglan sa pag-atiman sa ilang mga estudyante, sila mahimong mangutana sa ilang kaugalingon:

Ako ba nasayod kon hain sa akong mga estudyante ang nanglimbasog sa…

Pagbasa?
Mga isyu sa memorya o panghunahuna?
Pagkat-on ug paggamit og ikaduha nga pinulongan?
Pandungog o panan-aw?
Pisikal nga paglihok-lihok?
Pag-focus o pagkalihokan?
Mga kahanas sa pagtagad sa ubang mga tawo [social skills]?
Mga problema kahimsog nga makaapekto sa pagkat-on o pagtambong?
Kabalaka [Anxiety], depresyon, o ubang mga hagit sa kahimsog sa pangisip (Mental Health , Life Help, Gospel Library)?
Ubang mga hagit sa pamilya o sa kinabuhi (tan-awa sa Life Help, Gospel Library)?

Ako bang gikaistorya ang estudyante ug ang ilang mga ginikanan o mga tigbantay mahitungod sa mga pag-akomodasyon nga makatabang sa panimalay o sa eskwelahan?

Magplano alang sa mga Panginahanglan sa Estudyante

Sa higayon nga matino na ang panginahanglan, ang mga magtutudlo kinahanglang mohimo og usa ka plano nga tukma nga motubag sa mga panginahanglan sa estudyante. Ang mga magtutudlo mahimong mangutana sa ilang kaugalingon, “Sa unsang paagi ako makatabang niining estudyante nga makakat-on niining baroganan sa paagi nga sayon ra ngadto kanila ug makakab-ot sa ilang mga panginahanglan sa pagkat-on?” Ang mosunod nga mga seksiyon nagsangkap og giya alang sa mga magtutudlo samtang sila maghunahuna og mga akomodasyon alang sa mga estudyante nga naningkamot sa pagtuman sa mga gikinahanglan sa seminary:

1. Mga Kinahanglanon sa Pagtambong: Tungod sa kakulangan, mga problema sa panglawas, o ubang mga hagit sa kinabuhi, ang pipila ka mga estudyante mahimong dili makakab-ot sa mga kinahanglanon sa pagtambong. Ang mga pag-atiman alang niini nga mga estudyante mahimong magkalain-lain ug gitino pinaagi sa indibidwal nga mga magtutudlo. Agig pagkonsulta sa mga estudyante ug sa ilang mga ginikanan o sa mga tigbantay, ang mga estratehiya sa paghimo sa gimbuhaton alang sa pagtambong mahimo ug kinahanglang tinagsa-tagsa alang sa matag estudyante.

2. Mga Kinahanglanon sa Pagbasa: Alang sa mga estudyante nga adunay kakulangan sa pagbasa o nadaot ang panan-aw, ang pag-access ngadto sa gikinahanglan nga mga pagbasa mahimong mahatag sa alternatibong mga paagi, naglakip apan dili limitado sa:

Pagpaminaw sa audio nga bersiyon sa gikinahanglan nga mga pagbasa.
Paggamit og online nga mga programa gikan sa teksto ngadto sa pagsulti (daghan ang libre).
Pagtugot sa mga estudyante nga magbasa uban ang mga kaedad, mga magtutudlo, mga sakop sa pamilya, o mga lider sa Simbahan.
Pagsangkap og dagko nga printa sa teksto o Braille.
Paggamit sa Mga Istorya sa Kasulatan nga mga kapanguhaan sa pagtan-aw, pagbasa, o pagpaminaw ngado sa gipasayon nga mga istorya sa kasulatan sa internet.
Paggamit sa gihulagway nga mga basahon sa kasulatan nga makita diha sa sentro sa pagpang-apud apod sa Simbahan.
Pagtan-aw sa hinimo sa Simbahan nga mga bidyo nga “Mga Pagdrama-drama [Reenactments] ug mga Pagtulon-an sa Kasulatan”.
Pagpaminaw ngadto sa hinimo sa Simbahan nga a udio nga mga serye.

3. Mga Kinahanglanon sa Pagsukod sa Nahibaloan: Ang mga magtutudlo kinahanglang maningkamot sa paghatag og mga akomodasyon sa pagsukod sa nahibaloan nga motabang sa mga estudyaante nga dunay mga kakulangan o ubang mga hagit sa kinabuhi nga makaapil sa usa ka patas nga pagbase sa uban nga mga estudyante. Ang mga akomodasyon mahimong maglakip sa:

Pagtugot og berbal nga mga tubag kon maglisod sa sinulat nga mga tubag.
Pagtugot og igo nga panahon sa pagproseso sa dili pa motubag ang mga estudyante.
Pagtugot nga ihatag ang pagsukod sa nahibaloan ug ang mga tubag nga ipahibalo sa lain-lain nga mga paagi (isulti, makita, ug uban pa).
Paghatag og usa ka field sa mga kapilian alang sa mga tubag.
Alang sa mga estudyante nga adunay limitadong abilidad sa pagsulti, tugoti sa pagsinyas, mga kihat sa mata, o sa pagtudlo ngadto sa mga tubag.

Pagpatuman sa Plano

Ang mga magtutudlo makatabang nga malimitahan ang mga babag sa pagkat-on pinaagi sa pagkonsiderar kon:

Sa unsang paagi ang impormasyon gipresentar (lektyur, pagbasa, mga litrato, bidyo, audio, supporta sa kaedad, ug uban pa).
Sa unsang paagi ang mga estudyante motubag sa paagi nga (berbal, sinulat, biswal, uban sa usa ka kaedad, sa ilang hunahuna, ug uban pa).
Ang palibot sa pagkat-on o kahimtang (kahayag, kahapsay sa pagkalingkod, lebel sa kasaba, ug uban pa).
Ang katukma sa instruksiyon (dugang nga panahon sa pagproseso, mga break, lugway nga panahon alang sa mga pasulit o mga proyekto, ug uban pa).

Ang mosunod nga dugang nga mga kapanguhaan mahimong makatabang alang sa mga magtutudlo samtang sila maghatag og mga akomodasyon alang sa mga estudyante nga adunay mga kakulangan ug ubang mga hagit sa kinabuhi.