Ulat sa Pangangalaga 2025—Edukasyon

Ang Simbahan ay nag-aalok ng iba’t ibang karagdagang mga tool at mga resource sa edukasyon para sa mga miyembro nito, tulad ng:

• Perpetual Education Fund (PEF), na nag-aalok ng tulong pinansiyal sa mga karapat-dapat na miyembro ng Simbahan sa labas ng Estados Unidos at Canada na mag-aral para makakuha ng mas magandang trabaho at higit na maging self-reliant.
• BYU–Pathway Worldwide, na tumutulong sa mga miyembro na ma-access ang abot-kayang mas mataas na edukasyon sa online.
• Literasi, na naglalaan sa mga pamilya—lalo na sa mga walang aklat sa tahanan—sa mababasang mga materyal.
• Ang Benson Scholarship, na sumusuporta sa mga miyembro na naghahangad na makakuha ng post-secondary education sa agrikultura, produksiyon ng pagkain, at nutrisyon.
• EnglishConnect, na nag-aalok ng libreng pag-aaral ng Ingles sa sinumang interesado, kabilang ang mga taong hindi miyembro ng Simbahan.
• Succeed in School, na tumutulong sa mga kabataan na magkaroon ng mga kasanayan na nagpapabuti sa kanilang pag-aaral.

Noong 2025, tinugunan din ng Simbahan ang pandaigdigang pangangailangan sa edukasyon sa pamamagitan ng 638 na mga proyekto sa edukasyon, kabilang ang pagpopondo sa pagkukumpuni ng mga paaralan, pagsasanay ng mga guro, at pagbibigay ng mahahalagang gamit pang-edukasyon gaya ng mga mesa, upuan, internet access, at mga aklat.

Sa Papa New Guinea, pinondohan ng Simbahan ang renobasyon ng isang primary school, na kinabibilangan ng pagtatayo ng mga bagong silid-aralan upang palitan ang luma at sirang mga gusali. Sa Ghana, nagbigay ang Simbahan ng mga suplay sa University of Environment and Sustainable Development para sa isang bagong computer lab, na kinabibilangan ng 60 device at isang malaking interactive screen para sa mga guro.

Basahin ang iba pang mga kuwento noong 2025:

• Ang Simbahan ni Jesucristo ng mga Banal sa mga Huling Araw ay Nag-ambag sa Renobasyon ng Isang Catholic Primary School sa Kimwenza, Democratic Republic of Congo.
• Inilaan ng Simbahan ang Isang Global Education Center sa Lagos, Nigeria.
• Ilawan ang Sanlibutan: Ang 490,000 Donasyon noong 2024 ay Nagbigay ng Pag-asa sa Maraming Tao sa Buong Mundo.
• Tinapos ni Elder Dale G. Renlund ang Kanyang Pagbisita sa Ilang Bansa sa Timog Africa.
• Sinuportahan ng Simbahan ang Early Childhood Development sa Mexico.
• Ang Donasyon ng Simbahan ay Nakatulong sa Mahigit 12,000 Mag-aaral sa Montero, Bolivia.