Pag-atiman sa mga Anak sa Dios pinaagi sa Gipalambo nga Nutrisyon

Isip mga miyembro sa Ang Simbahan ni Jesukristo sa mga Santos sa Ulahing mga Adlaw, kita nakigsaad sa pag-atiman sa tanang anak sa Dios sa tibuok kalibotan. Isip kabahin niini nga paningkamot, kini ang atong tumong nga moserbisyo ug moatiman alang sa mga bata aron sila makakab-ot sa ilang hingpit nga potensiyal.

— Kinatibuk-ang Presidente sa Relief Society, Camille N. Johnson

Pasiuna sa Nutrisyon sa Bata

Ang Kaimportante sa Nutrisyon

Daghang mga bata sa tibuok kalibotan ang nag-antos sa epekto sa malnutrisyon. Ang makahimsog nga nutrisyon importante sa tukma nga paglambo sa utok, lawas, ug sa sistema sa pagkadili madutlan og sakit, ilabi na gikan sa panahon sa pagmabdos ngadto sa panuigon nga 2–3. Kon ang usa ka bata dili makadawat og tukma nga nutrisyon atol niining panahona, ang utok ug lawas sa bata dili molambo sama sa gikinahanglan.

Komprenhensibo nga Pag-atiman alang sa Kabataan

Ang Simbahan nakatutok sa mga paningkamot sa pagtabang og dugang nga mga bata nga maka-akses sa komprehensibo nga pag-atiman sa nutrisyon, lakip sa sustansyado nga mga pagkaon, luwas nga mainom nga tubig, gisuportahan nga akses ngadto sa mga serbisyo sa lokal nga klinika, ug ubang mga butang nga makatabang sa usa ka bata nga makab-ot ang ilang husto nga pagtubo.

Mga Kapanguhaan alang sa mga Ginikanan ug mga Lider

Ang Simbahan nag-ugmad og pipila ka mga giya, nagtanyag og mga ideya ug impormasyon alang sa mga ginikanan ug mga lider samtang nagtinguha sila sa pagsuporta sa mga bata ug mga pamilya. Mahimo nimong ma-download ang mga giya pinaagi sa hilisgotan o i-download silang tanan diha sa link sa ubos.

Mga Giya alang sa mga Pamilya	Mga Giya alang sa mga Lider
Giya nga Basahon alang sa Pamilya [Family Guidebook] (Naglangkob sa tanang Giya sa Pamilya) Libro sa Koloranan nga Kalihokan	Giya sa Dali nga Pagsugod sa Lider sa Yunit Giya nga Basahon alang sa Lider [Leader Guidebook] (Naglangkob sa tanang Giya sa Lider)

Malnutrition Resources

Wellness and Nutrition

Prácticas de higiene y seguridad

Tan-awa kon Unsa ang Gibuhat sa Simbahan aron Makatabang

Moapil

Ang mga bata magsagubang og kakulang sa nutrisyon diha sa mga komunidad sa tibuok kalibotan. Gamita ang mga kapanguhaan nga naa sa ubos aron makat-on pa og dugang mahitungod sa nutrisyon sa bata, sa unsang paagi kini makaapekto sa atong mga pamilya, ug unsaon nimo aron makatabang.

Sa Unsang Paagi Ako Makaapil?

Pinaagi sa pag-ampo ug sa giya gikan sa Espiritu, makadiskobre ka og mga paagi sa pagtabang sa mga pamilya sa inyong komunidad. Sama pananglit, makahatag ka og madagayaon nga halad sa puasa, moboluntaryo sa usa ka lokal nga lutoanan og pagkaon, o magluto og sustansyado nga pagkaon alang sa usa ka silingan. Kon anaa sa inyong dapit, mahimo ka nga makaapil niini nga paningkamot pinaagi sa pagbisita sa JustServe.org ug mangita og mga proyekto sa nutrisyon sa bata o sa may kalabotan sa kagutom nga proyekto.