Umahan ni Martin ug Lucy Harris

Ang Umahan nila ni Martin ug Lucy Harris mga 129 ka ektarya nga umahan duol sa Palmyra, New York. Si Martin Harris mitabang ni Joseph Smith isip usa ka tigsulat samtang iyang gihubad ang Basahon ni Mormon ug mihatag sa pinansyal nga suporta nga gikinahanglan sa pag-imprinta sa nakompleto nga paghubad sa basahon. Si Martin Harris mao usab ang usa sa tulo ka saksi kinsa nakakita sa bulawang mga palid ug ni anghel Moroni.

Niadtong 1829, giprenda ni Harris ang iyang umahan ngadto ni Egbert B. Grandin aron maseguro ang bayad sa pagmantala sa 5,000 ka kopya sa Basahon ni Mormon. Sa kaulahian iyang gibaligya ang 61 ka ektarya nga umahan aron makatigom og saktong kwarta nga ibayad sa utang.

Niadtong 1937, mga 35.6 ka ektaryang orihinal nga umahan ni Martin Harris lakip ang cobblestone nga balay diin ang orihinal nga balay sa uma kaniadto nagbarog, gipalit ni Willard Bean sa ngalan sa Ang Simbahan ni Jesukristo sa mga Santos sa Ulahing mga Adlaw.

Basaha ang mahitungod sa pagbayad ni Martin Harris sa pagprinta sa Basahon ni Mormon diha sa Mga Santos Volume 1, Kapitulo 8.

Unsay Malaoman

Ang Umahan ni Martin Harris usa ka giniyahan sa kaugalingon nga kasinatian kauban ang mga dapit sa pagpiknik nga magamit sa mga bisita.