Hawn’s Mill

Sa simula ng 1836, ang mga miyembro ng Ang Simbahan ni Jesucristo ng mga Banal sa mga Huling Araw ay nagsimulang umalis sa kanilang pansamantalang mga tahanan sa kalapit na Clay Country papunta sa bagong tatag na Caldwell County. Ang ilan ay nakahanap ng trabaho at ng lupa malapit sa ari-arian ni Jacob Hawn, na dumating sa lugar na iyon ilang taon pa lang ang nakalilipas at nagtatag ng mill sa pagliko o kurbada ng Shoal Creek. Kahit hindi siya miyembro ng kanilang simbahan, si Jacob Hawn ay nanatiling palakaibigan sa kanyang mga kapitbahay na mga Banal sa mga Huling Araw at sa mga manggagawa sa mill. Noong 1838, ang Hawn’s Mill ang naging sentro ng isang maliit na yumayabong na komunidad.

Noong Oktubre 30, 1838, isang armadong grupo ng mga vigilante mula sa kalapit na county ang lumusob sa mga Banal sa mga Huling Araw sa Hawn’s Mill, na pumatay sa 14 na kalalakihan at 3 mga batang lalaki at ikinasugat ng 14 pang katao. Ang mga bangkay ay kaagad na inilibing o inilagay sa isang mass grave sa ibaba ng tuyong balon habang sapilitang pinaalis ang mga Banal sa mga Huling Araw sa lugar na iyon, at kalaunan sa estado ng Missouri, noong taglamig na iyon. Umalis din si Jacob Hawn sa Missouri, at kalaunan ay lumipat sa Oregon.

Basahin ang iba pa tungkol sa Hawn’s Mill sa Mga Banal Tomo 1, Kabanata 30.

Ano ang Aasahan

Ang bahay ni Jacob Hawn at ang mill o gilingan ay wala na sa landscape. Walang mga trail o daanan mula sa paradahan, pero ang kakahuyan at mga bukirin malapit sa pagliko o kurbada ng sapa ay nananatiling tahimik at payapang lugar para sa pagninilay at paggunita sa mga namatay at inilibing dito. Sa panahon ng napakalakas ng ulan, ang mga lansangan ay hindi madaanan dahil sa baha.