Picture of the book series, 'Saints' volume 1-4 (Tongan edition). Four volumes are arranged on the middle shelf of a wooden bookshelf along with plants.

Kau Māʻoniʻoní

Lau ʻa e fakamatala fakalaumālie moʻoni ʻo e kau fefine mo tangata naʻe līʻoa ʻenau moʻuí ke fokotuʻu ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he funga ʻo e māmaní. ʻOku kāpui ʻe he Voliume 1: Ko e Fuka ʻo e Moʻoní ʻa e ngaahi fuofua taʻu ʻo e Siasí ki he 1846; ʻoku muimuiʻi leva ʻe he Voliume 2: ʻIkai Ha Nima Taʻemaʻa ʻa e fononga ʻa e kau paioniá ʻo aʻu ki he 1893; ʻoku muimuiʻi leva ʻe he Voliume 3: Loto-toʻa, Anga Fakaʻeiʻeiki, mo e Tauʻatāina ʻa e tupulaki ʻa e Siasí ʻi ha māmani fakaonopooni, ʻo ngata ʻi he 1955; pea ʻoku tataki atu leva ʻe he Voliume 4: Fakaongo ʻi he Telinga Kotoa Pē ʻa e kau laukongá ʻo aʻu ki he lolotongá ni, ʻo fononga mei Palāsila ki Kōlea Tonga, ki Kana, ki Tonga, mo e ngaahi fonua lahi kehe. Fekumi ki ho tuʻungá ʻi he talanoá.
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org

Ngaahi Talanoa Mahuʻingá

ʻIkai ke ke ʻilo pe te ke kamata ʻi fē? ʻAlu hangatonu ki he niʻihi ʻo e kakai manakoa tahá mo e ngaahi talanoa fakangalongataʻa mei he Kau Māʻoniʻoní.

ʻEniselā Pitasoni
Ko ha meʻa taʻeʻamanekina ne hoko ʻi hono tuku ʻe ha tokotaha lahi kei talavou ʻa e fanongonongo ki he fāmilí ʻi heʻene kaá.
Lāsolo M. Nalesoni
ʻOku fakahoko ʻe ha tokoketā tafa ʻiloa ha tafa ke fakamoʻui ai ha ʻAposetolo.
Tikanatino ʻEsepai
ʻOku tuʻu fakatuʻutāmaki ki he Temipale Manila Philippines ha moveuveu ʻi he fonuá.

Ngaahi Tefito ʻi he Hisitōlia ʻo e Siasí

Maʻu ha ngaahi fakakaukau foʻou ki he ngaahi tafaʻaki ne ʻikai fuʻu ʻiloʻi mo faʻa maʻuhala ki hotau hisitōliá.

Global Histories: Unites States

Kulupu Sēnesí

Naʻe tokolahi ʻa e ngaahi fāmili ʻAfilika ʻAmelika naʻa nau kau ʻi he kau fuofua mēmipa ʻo e Siasí pea nau longomoʻui ʻi he ngaahi meʻa lahi naʻe hoko ʻi he hisitōlia ʻo e Kau Māʻoniʻoni ʻi he Ngaahi ʻAho Kimui Ní. Ka neongo iá, ʻi he ngaahi taʻu lahi, kuo faʻa fakatokangaʻi ʻe he kau mēmipa foʻou ʻoku ʻUliʻulí ko kinautolu pē ʻa e tokotaha pe fāmili ʻUliʻuli ʻi honau ngaahi uooti pe siteiki fakalotofonuá. ʻI he feinga ʻa e kāingalotu ʻUliʻuli ʻi he feituʻu Sōleki Sití ʻi he 1971 ke langaki ha komiunitī ʻoku tokolahi angé, naʻa nau ngāue fakataha ai mo e kau taki ʻo e Siasí ke faʻu ʻa e Kulupu Sēnesí, ko e taumuʻa ke fai ha fakataha fakamāhina pea tokangaʻi ʻe he Siteiki Sōleki Siti Lipetií pea maʻu ai ʻe he kau mēmipa ʻo e kulupú ha tokoni lahi ange.
Portrait photograph of Ardeth G. Kapp

ʻĀtafi G. Kepa

Naʻe hoko ʻa ʻĀtafi Kulini Kepa ko e Palesiteni Lahi hono hiva ʻo e houalotu ʻa e Kau Finemui ʻo e Siasí mei he 1984 ki he 1992. Lolotonga ‘ene ‘i he lakanga ko ‘ení, naʻá ne takimuʻa ai ‘i he ngaahi feinga ke fakaleleiʻi ‘a e ngaahi polokalama mo e ngaahi ʻekitivitī ‘a e houalotú, pea pehē ki he ngaahi aʻusia ‘a e kau finemuí ‘i ha ngaahi fonua fakavahaʻapuleʻanga lahi angé.
Capstone Ceremony for the Salt Lake Temple.

Mali Tokolahí ʻi ʻIutā

Fakatatau mo ha fakahā kia Siosefa Sāmita, ko hono fakahoko ʻo e mali tokolahí—ʻa e mali ha tangata ʻe taha ki ha ongo fafine pe tokolahi angé—naʻe fakahoko ia ʻi he kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he konga kimuʻa ʻo e 1840 tupú ʻi Nāvū, ʻIlinoisi. Naʻe fuofua fakafeʻiloaki fakataautaha ia ki ha kulupu tokosiʻi ʻo e kāingalotu ʻo e Siasí, pea naʻe kole ki he niʻihi ne kau atu ki aí ke ʻoua naʻa fakahāhāholo ʻenau meʻa naʻe faí. Hili e hiki ʻa e Kau Māʻoniʻoní ki ʻIutaá, ne fakahaaʻi ai ʻe he kau taki ʻo e Siasí ki he kakaí hono fakahoko iá, pea ʻi he vahaʻa ʻo e 1852 mo e 1890, ne fakahoko tauʻatāina ai ʻe he Kau Māʻoniʻoni ʻi he Ngaahi ʻAho Kimui Ní e mali tokolahí.
Restoration Project: 213 Translation begins. (Joseph and Oliver working on translation).

Liliu ʻo e Tohi ʻa Molomoná

Naʻe liliu ʻe Siosefa Sāmita ha fakamatala fakakuonga muʻa ʻi he “meʻafoaki mo e mālohi ʻo e ʻOtuá” ʻo maʻu ai e Tohi ʻa Molomoná. Naʻe mole ʻi he 1828, ʻa e fuofua ngāue liliu lea naʻá ne faí, ʻa ē naʻe sikalaipe ai ʻa ʻEma Sāmita mo Māteni Hālisí. Meimei ko e fakamatala kotoa ʻo e Tohi ʻa Molomona he lolotonga ní, naʻe liliu ia ʻi ha vahaʻa taimi ko e māhina ʻe tolu, mei ʻEpeleli ki Sune ʻo e 1829, pea ko ʻŌliva Kautele ʻa e sikalaipé. ʻE lava ke maʻu ha ʻilo lahi ange ki hono ʻomi ʻo e Tohi ʻa Molomoná ʻi he lea faka-Pilitāniá ʻi hano ako fakalelei ʻa e ngaahi lea naʻe fai ʻe Siosefa Sāmitá, ʻene kau tangata tohí, mo e niʻihi kehe ne ngāue vāofi mo ia ki hono liliu e Tohi ʻa Molomoná.

Founga ke Maʻu ai ha Tataú

ʻOku lava ke maʻu e Kau Māʻoniʻoní: Ko e Talanoa ʻo e Siasi ʻo Sīsū Kalaisi ʻi he Ngaahi ʻAho Kimui Ní ʻi ha ngaahi founga kehekehe. Fili mei he lisi ʻi laló, peá ke fanongo ki ha ngaahi fakamatala vave te ne toʻoa e loto ʻo e kau laukongá mo fakatupulaki e tuí ʻi he ngaahi ʻapí mo e fāmilí.