Picture of the book series, 'Saints' volume 1-4 (Tagalog edition). Four volumes are arranged on the middle shelf of a wooden bookshelf along with plants.

Mga Banal

Basahin ang nagbibigay-inspirasyong totoong kuwento ng mga kababaihan at kalalakihan na inilaan ang kanilang mga buhay sa pagtatatag ng Ang Simbahan ni Jesucristo ng mga Banal sa mga Huling Araw sa iba’t ibang panig ng mundo. Ang Tomo 1: Ang Pamantayan ng Katotohanan ay tumatalakay sa mga pinakaunang taon ng Simbahan hanggang taon 1846; ang Tomo 2: Mga Kamay na Di Pinaging Banal ay sinusundan ang tinahak ng mga pioneer hanggang taong 1893; ang Tomo 3: Magiting, Marangal, at Malaya ay sumubaybay sa paglago ng Simbahan sa modernong mundo na nagtatapos sa taong 1955; at ang Tomo 4: Mapakinggan ng Bawat Tainga ay sinasamahan ang mambabasa hanggang sa kasalukuyan, naglalakbay mula sa Brazil hanggang South Korea, sa Ghana, sa Tonga, at ilang dosenang iba pang mga bansa. Hanapin ang iyong lugar sa kuwento.
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org

Tampok na mga Kuwento

Hindi alam kung saan magsisimula? Agad pumunta sa ilan sa pinakamamahal na mga tao at hindi malilimutang kuwento mula sa Mga Banal.

Angela Peterson
Isang hindi inaasahang tugon nang may isang young adult ang nakaiwan ng pahayag tungkol sa mag-anak sa kanyang kotse.
Russell M. Nelson
Isang kilalang siruhano ang nagsagawa ng operasyong nagligtas ng buhay ng isang Apostol.
Dignardino Espi
Isang pagsiklab ng karahasan ang nagbanta sa Manila Philippines Temple.

Mga Paksa sa Kasaysayan ng Simbahan

Magkamit ng bagong mga pananaw sa maraming mas hindi kilala at minsang hindi nauunawaang aspekto ng ating kasaysayan.

Global Histories: Unites States

Genesis Group

Maraming pamilyang Aprikanong Amerikano ang kabilang sa mga pinakaunang miyembro ng Simbahan at aktibo sa maraming kaganapan sa kasaysayan ng mga Banal sa mga Huling Araw. Gayunpaman, sa loob ng maraming dekada, madalas matagpuan ng mga bagong miyembrong Itim ang kanilang sarili bilang tanging Itim na tao o pamilya sa kanilang mga lokal na ward at stake. Hinahangad na makabuo ng mas matibay na komunidad, noong 1971, ang mga Itim na miyembro sa Lungsod ng Salt Lake ay nakipagtulungan sa mga lider ng Simbahan upang iorganisa ang Genesis Group, isang grupo na buwanang nagtitipon at nagdaraos ng mga aktibidad sa ilalim ng pamamahala ng Salt Lake Liberty Stake na nagbibigay ng karagdagang suporta sa mga miyembro nito.
Portrait photograph of Ardeth G. Kapp

Ardeth G. Kapp

Naglingkod si Ardeth Greene Kapp bilang ikasiyam na Pangkalahatang Pangulo ng Young Women ng Simbahan mula 1984 hanggang 1992. Sa kanyang panunungkulan, pinangunahan niya ang mga pagsisikap upang palawigin ang mga programa at aktibidad ng organisasyon, maging ang mga karanasan ng mga young woman sa magkakaibang bansa at kultura.
Capstone Ceremony for the Salt Lake Temple.

Maramihang Pag-aasawa sa Utah

Alinsunod sa isang paghahayag kay Joseph Smith, ang maramihang pag-aasawa—ang pagpapakasal ng isang lalaki sa dalawa o higit pang mga babae—ay pinasimulan sa mga miyembro ng Ang Simbahan ni Jesucristo ng mga Banal sa mga Huling Araw noong simula ng dekada ng 1840 sa Nauvoo, Illinois. Ito ay unang ipinakilala nang sarilinan sa isang maliit na grupo ng mga miyembro ng Simbahan, at hiniling sa mga kasapi na panatilihing kompidensyal ang kanilang mga kilos. Matapos lumipat ang mga Banal sa Utah, hayagang kinilala ng mga lider ng Simbahan ang kaugalian, at sa pagitan ng 1852 at 1890, hayagang isinabuhay ng mga Banal sa mga Huling Araw ang maramihang pag-aasawa.
Restoration Project: 213 Translation begins. (Joseph and Oliver working on translation).

Pagsasalin ng Aklat ni Mormon

Isinalin ni Joseph Smith ang isang sinaunang teksto “sa pamamagitan ng kaloob at kapangyarihan ng Diyos” upang mailimbag ang Aklat ni Mormon. Ang kanyang unang ginawang pagsasalin, na ang mga tagasulat ay sina Emma Smith at Martin Harris, ay nawala noong 1828. Halos lahat ng kasalukuyang teksto ng Aklat ni Mormon ay isinalin sa loob ng tatlong buwan mula Abril hanggang Hunyo 1829 kasama si Oliver Cowdery bilang tagasulat. Maraming malalaman tungkol sa paglabas ng Ingles na teksto ng Aklat ni Mormon sa pamamagitan ng masusing pag-aaral ng mga pahayag ni Joseph Smith, ng kanyang mga tagasulat, at ng iba pang may malapit na kaugnayan sa pagsasalin ng Aklat ni Mormon.

Paano Kumuha ng Kopya

Ang Mga Banal: Ang Kuwento ng Simbahan ni Jesucristo sa mga Huling Araw ay makukuha sa iba’t-ibang mga format. Pumili mula sa mga opsiyon sa listahan sa ibaba, at danasin ang mabilis na daloy ng salaysay na aakit sa mga mambabasa at magpapalakas ng pananampalataya sa mga tahanan at pamilya.