Picture of the book series, 'Saints' volume 1-4 (Samoan edition). Four volumes are arranged on the middle shelf of a wooden bookshelf along with plants.

Au Paia

Faitau i le tala moni musuia e uiga i tamaitai ma alii o e na tuuto atu o latou ola e faatuina Le Ekalesia a Iesu Keriso o le Au Paia o Aso e Gata Ai i le lalolagi atoa. Voluma 1: The Standard of Truth ua aofia ai uluai tausaga o le Ekalesia i le 1846; Voluma 2: Leai se Lima Eleelea mulimulitai i le alasopo o paionia e oo i le 1893; Voluma 3: Lototoa, Malualii, ma le Tutoatasi mulimulitai i le tuputupu a’e o le Ekalesia i se lalolagi i ona po nei, e faaiu i le 1955; ma le Voluma 4: Faalogoina i Taliga Uma o loo tauaveina ai le aufaitau e oo mai i le taimi nei, malaga mai Pasila i Kolea i Saute, i Kana, i Toga, ma le anoanoai o isi atunuu. Sue lou nofoaga i le tala.
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org

Tala o Faamatalaina

E te le iloa po o fea e amata ai? Oso tonu i nisi o tagata e sili ona alofagia ma tala e le galo mai le Au Paia.

Angela Peterson
O se tali e le mafaufauina pe a tuua e se talavou matua le folafolaga i aiga i lana taavale.
Russell M. Nelson
O se fomai tipitipi iloga na faatinoina se taotoga na laveaiina ai le soifua o se Aposetolo.
Dignardino Espi
O tulai mai o vevesiga na faamata’uina ai le Malumalu o Manila Filipaina.

O Autu o le Talafaasolopito o le Ekalesia

Ia maua ni malamalamaaga fou i le tele o itu e faalē-iloa ma o nisi taimi e malamalama sese i ai i lo tatou talafaasolopito.

Global Histories: Unites States

Vaega o le Kenese

O nisi o aiga Amerika Aferika o nisi ia o uluai tagata o le Ekalesia ma sa auai i le tele o mea na tutupu i le talafaasolopito o le Au Paia o Aso e Gata Ai. Ae ui i lea, mo le tele o tausaga, sa masani ona maua e tagata uli fou i latou lava ua na o latou lava tagata uli po o le aiga i a latou uarota ma siteki i le lotoifale. O le vaavaai atu e fausia se nuu e sili atu, o tagata uli i le eria o le Aai o Sate Leki i le 1971 na galulue faatasi ma taitai o le Ekalesia e faatu le Vaega o le Kenese, o se aao o le faapotopotoga ma gaoioiga faalemasina a le Siteki a Salt Lake Liberty lea na tuuina atu ai i tagata o le vaega se lagolago faaopoopo.
Portrait photograph of Ardeth G. Kapp

Ardeth G. Kapp

O Ardeth Greene Kapp sa avea ma Peresitene lona iva o le faalapotopotoga a Tamaitai Talavou o le Ekalesia mai le 1984 i le 1992. I le taimi o lana nofoaiga, sa ia taulamua i taumafaiga e faalautele ai polokalama ma gaoioiga a le faalapotopotoga, faapea foi aafiaga o tamaitai talavou i lona taatiaga faavaomalo ua matuai faateleina.
Capstone Ceremony for the Salt Lake Temple.

Faaipoipoga Autaunonofo i Iuta

E tusa ai ma se faaaliga ia Iosefa Samita, o le faaipoipoga autaunonofo—o le faaipoipoga o se alii e toatasi i ni tamaitai se toalua pe sili atu—na amatalia i tagata o Le Ekalesia a Iesu Keriso o le Au Paia o Aso e Gata Ai i le amataga o le vaitau o le 1840 i Navu, Ilinoi. Sa muai faailoa mai faalilolilo i se vaega toalaiti o tagata o le Ekalesia, ma o tagata na auai sa talosagaina ia tausisia le le faalauaiteleina o a latou faatinoga. Ina ua siitia atu le Au Paia i Iuta, sa faalauiloa faalauaitele atu e taitai o le Ekalesia lea faiga, ma i le va o le 1852 ma le 1890, sa faatino aliali ai e le Au Paia le faiga o faaipoipoga autaunonofo.
Restoration Project: 213 Translation begins. (Joseph and Oliver working on translation).

Faaliliuga o le Tusi a Mamona

Na faaliliu e Iosefa Samita se tusiga anamua “e ala i le meaalofa ma le mana o le Atua,” ia maua ai le Tusi a Mamona. O lana galuega amata i le faaliliuga, faatasi ma Ema Samita ma Matini Harisi na auauna atu o ni tusiupu autu, na leiloloa i le 1828. Toeitiiti lava o le tusiga atoa o le Tusi a Mamona na faaliliuina i le taimi o le tolu masina i le va o Aperila ma Iuni i le 1829 faatasi ma Oliva Kaotui o le tusiupu. E tele mea e mafai ona silafiaina e uiga i le oo mai o anotusi faaPeretania o le Tusi a Mamona e ala i se suesuega faaeteete o faamatalaga na faia e Iosefa Samita, ana tusiupu, ma isi na vavalalata le latou mafutaga i le faaliliuina o le Tusi a Mamona.

Auala e Maua ai se Kopi

Au Paia: O Le Tala o le Ekalesia a Iesu Keriso i Aso e Gata Ai o loo maua i ituaiga eseese. Filifili mai i filifiliga i le lisi lenei, ma tofo i faamatalaga faavavave lea o le a faagaeetiaina le au faitau ma faateleina le faatuatua i totonu o fale ma aiga.