Бог е изворот на сета вистина

Понекогаш, можеби ни недостасува ред во нашиот живот или пак самодоверба за иднината. Можеме да го пронајдеме нашиот пат кон напредокот со поддршка на нашиот сакан Небесен Отец и Неговиот Син, Исус Христос, кои се изворот за вистина.

Вистината е знаење за работите какви што навистина се. На пример, вистина е дека Бог ве сака и може да ви помогне да го променте вашиот живот. Бог го познава секој од нас лично, и го користи Светиот Дух за да ни помогне да препознаеме што е вистина.

Небесниот Отец го испрати Неговиот Син, Исус Христос, да нè научи како да бидеме среќни и како да пронајдеме смисла во нашите животи.

Исус е нашиот совршен пример за тоа како да се живее. Неговите учења дејствуваат како водечка светлина што може да нé насочи кон спокој. Секој кој сака да го следи Исус Христос може да ја има оваа светлина; Тој ветува дека сите кои ќе Го побараат, ќе Го најдат.

Светоста на Душата, или Светиот Дух е гласникот на Небесниот Отец и Исус Христос. Постојат неколку начини на кои Светиот Дух може да ни помогне да се доближиме до Бога. Светиот Дух:

• Дава утеха (види Јован 14:16–17, 26; Морони 8:26; Учењата и Заветите 36:2).
• Открива и сведочи за вистината (види 2 Нефи 32:4–5; Алма 5:46–47; Учењата и Заветите 8:2–3).
• Сведочи за Отецот и Синот (види Јован 15:26; 3 Нефи 11:32, 36).
• Осветува и прочистува (види Алма 13:10–12; 3 Нефи 27:19–20; Морони 6:4).

Молете му се на вашиот возљубен Небесен Отец.

Бог нè сака и сака да нé ислуша. Тој ветува дека додека го молиме, Тој ќе ни дава одговори и насоки.

Во Библијата (Матеј 6:9-13) и во Книгата на Мормон (3 Нефи 18:19) Исус нè поучи како да се молиме.

Бидете верни

Библијата поучува дека „верата е подлога за увереноста во она на кое се надеваме -убеденост во она што не се гледа“ (Евреите 11:1). Кога сме верни, избираме да веруваме дека Небесниот Отец и Исус Христос ќе ни помогнат да пронајдеме среќа и смисла во нашите животи.

Препознајте го Светиот Дух

Бог комуницира со нас преку Светиот Дух на различни начини. Во Библијата, често се опишува како „здив од тих ветар“ (види 1 Царевите 19:11–12), но секој ќе го почувствува Светиот Дух на свој сопствен начин. Вие, Светиот Дух може да го чувствувате како:

• Чувство на љубов, радост, мир и долготрпеливост (Галатјаните 5:22-23).
• Јасна визија и водство за вашиот живот (Учењата и Заветите 8:2–3).
• Идеја во умот и чувства во срцето (1 Коринтјаните 2:9–11).
• Темнина што е заменета со светлина (Алма 19:6).

Следете го примерот на Спасителот

Исус го постави врвниот пример за сите нас. Ако сакаме да дознаеме што е вистина, можеме да го следиме Неговиот пример и да го правиме она што Тој го правел.

Како тоа изгледа?

• Покажете љубов и милосрдие кон другите и кон Бога.
• Рамислете какво чувство предизвикуваат овие постапки кај вас.
• Размислете како овие постапки го менуваат вашиот живот.