Ang report sa Pag-uswag sa Dalan sa Pakigsaad gamiton aron sa pagtabang sa bag-o o mibalik nga mga miyembro nga masubay ang ilang pag-uswag subay sa dalan sa pakigsaad atol sa ilang unang duha ka tuig nga pagkamiyembro sa Simbahan o sa pagbalik ngadto sa kalihokan sa Simbahan. Magamit usab kini sa pagsuporta sa mga tawo nga gitudloan sa mga misyonaryo. Anaa kini alang sa lokal nga mga lider pinaagi sa Mga Report nga menu diha sa Member Tools app ug sa Leader and Clerk Resources (LCR).
Ang report sa Pag-uswag sa Dalan sa Pakigsaad giusa sa Isangyaw ang Akong Ebanghelyo nga app nga gigamit sa mga full-time nga misyonaryo. Kon ang impormasyon gi-update sa usa niini, ang usa awtomatik nga ma-update. Ang report kinahanglan nga gamiton isip usa ka importante nga gamit sa pakig-alayon sa lokal nga mga lider. Kinahanglan nilang ablihan ug rebyohon kini kanunay, lakip na isip kabahin sa konseho sa ward, mga miting sa pagsabot-sabot [coordination meeting], ug kon sila makigtagbo sa mga full-time nga misyonaryo.
Mahimo nimong gamiton kining outline sa pagbansay aron makakat-on pa og dugang ug sa pagbansay sa lokal nga mga lider diha sa inyong stake, district, ward, o branch sa paggamit niining importante nga himan inubanan sa mga kapanguhaan sa Akong Dalan sa Pakigsaad.